2023 جىلعى وزبەكستان چەمپيوناتىندا قولا جۇلدە ەنشىلەگەن قانداسىمىز امان قونىسبەكوۆ قازاقستانعا كوشىپ كەلدى, دەپ جازادى Egemen.kz.
بۇل تۋرالى الەۋمەتتىك جەلىدە qandas_sportshilar ارناسى حابارلادى.
امان قونىسبەكوۆ وزبەكستاننىڭ ناۆوي وبلىسى, زافاراباد اۋىلىندا دۇنيەگە كەلگەن. كورشى ەل چەمپيوناتىندا 71 كگ سالماق دارەجەسىندە ونەر كورسەتىپ ءجۇردى. ول وتكەن جىلى اتالعان سالماقتا وزبەكستان بىرىنشىلىگىنىڭ جارتىلاي سىنىندا اسادحودجا مۋيدينحودجاەۆتى ءبىرىنشى راۋندتا نوكداۋنعا تۇسىرگەنمەن, فينالعا وتە الماعان ەدى.
بوكسشى استاناعا تۇراقتاعان. الايدا ول ەل چەمپيوناتىندا تۇركىستان وبلىسىنىڭ اتىنان سىنعا ءتۇسۋى مۇمكىن.
قازىرگى ۋاقىتتا امان قونىسبەكوۆ ەلىمىزدىڭ بىلعارى قولعاپ شەبەرلەرىمەن قاتار الماتى قالاسىندا وقۋ-جاتتىعۋ جيىندارىنا قاتىسىپ جاتىر.
ايتا كەتەيىك, قازاقستان نامىسىن 71 كگ سالماق دارەجەسىندە الەمدىك دودالاردا ۇلتتىق قۇراما كاپيتانى اسلانبەك شىمبەرگەنوۆ قورعاپ ءجۇر.