ەلىمىزدە بيىلعى بايگە ماۋسىمى ناۋرىز ايىندا رەسمي اشىلادى. بايگەگە قوسىلاتىن جۇيرىك اتتاردىڭ شابىسى جىلدان-جىلعا ۇدەپ كەلەدى. بۇل تۋرالى ۇلتتىق ات سپورتى فەدەراتسياسىنىڭ ءبىرىنشى ۆيتسە-پرەزيدەنتى مۇرات وسەرباەۆ ايتتى, دەپ جازادى Egemen.kz.
«ۆaige.federasiasy» يۋتۋب ارناسىنداعى سۇحباتتا مۇرات وسەرباەۆ بايگە اتتارىنىڭ جىلدامدىعى ارتىپ كەلە جاتقانىن ايتتى. «مۇنىڭ ەكى سەبەبى بار. سىرتتان ساتىپ اكەلەتىن تازا قاندى جىلقىلاردىڭ دا ساپاسى جوعارى قازىر. ەكىنشىدەن, قولتۋما جىلقىلاردىڭ دا بابى كەرەمەت, ۇنەمى جۇيرىكتەر بايگە تىلەپ زار كۇيىندە جۇرەدى. بۇل اتبەگىلەردىڭ بىلىكتىلىگىن بايقاتادى. دەمەك, ولاردىڭ دا دەڭگەيى ءوستى دەگەن ءسوز. بۇرىنىراقتا 25 شاقىرىمدىق الامان بايگەدە اتتار 1,5 ساعاتتا شاۋىپ وتەتىن. قازىر 25 شاقىرىمدى جۇيرىكتەر 33 مينۋتتا وندىرەدى. بىلتىر « ۇلى الامان» بايگەسى 35 شاقىرىمدا 53 مينۋتتا شاۋىپ كەلدى. تاعى ءبىر ايتاتىن جايت, بۇرىنعىداي مەرتىگىپ, بولماسا زورىعىپ قۇلايتىن اتتار دا ازايىپ كەلەدى. كوبىنە بابى دۇرىس بولماي, كۇيى كەلمەي قوسىلعان جۇيرىكتەر جىعىلاتىن. بۇگىندە اتبەگىلەردىڭ ورەسى ءوستى, تاجىريبەسى تولىستى. سوندىقتان بابىنا ەنبەگەن جۇيرىكتى جۇگىرتە بەرۋدى قوش كورمەيدى», دەدى م.وسەرباەۆ.