ازەربايجان استاناسىندا 16-18 اقپان كۇندەرى ۇلكەن دۋلىعا ساناتى سانالاتىن Grand Slam Baku ءتۋرنيرى وتەدى. بالۋانداردىڭ الەمدىك رەيتينگتەگى احۋالىن جاقسارتۋعا مۇمكىندىك بەرەتىن دوداعا ەلىمىزدىڭ ەرلەر جانە قىزدار قۇراماسى قاتىسادى, دەپ جازادى Egemen.kz قازاقستان دزيۋدو فەدەراتسياسىنىڭ ءباسپاسوز قىزمەتىنە سىلتەمە جاساپ.
64 مەملەكەتتەن 413 بالۋان كەلەدى جەپ جوسپارلانعان دودانىڭ جۇلدە قورى 154 مىڭ اقش دوللارىن قۇرايدى.
جەتى سالماق دارەجەسىندە وتەتىن ەرلەر دوداسىندا 14 بالۋانىمىز باق سىناپ كورەدى. جانساي سماعۇلوۆ, يسلام بوزباەۆ, ەلامان ەرعاليەۆ سىندى تاجىريبەلى بالۋاندارمەن بىرگە جاستاردىڭ دا قارىمى سىنالماق.
قىزدار دوداسىنا گران-پري ءتۋرنيرىنىڭ چەمپيونى, الەم چەمپيوناتىنىڭ جۇلدەگەرى ءابيبا ابۋجاقىنوۆا, عاليا تىنباەۆا, كاميلا بەرلىقاش سىندى بۇرىمدى بالۋاندار قوسىلادى.