16 اقپاندا ازەربايجاننىڭ استاناسى باكۋدە كەزەكتى Grand Slam ءتۋرنيرى وتەدى. ءۇش كۇنگە سوزىلاتىن ءدۇبىرلى دودادا قازاقستاننىڭ 26 دزيۋدوشىسى باق سىنايدى.
ەلىمىزدىڭ ەڭ ۇزدىك تاتامي شەبەرلەرىنىڭ دەنى ناۋرىز ايىنىڭ باسىندا تاشكەنتتە وتەتىن اسا جاۋاپتى جارىسقا دايىندالىپ جاتقاندىقتان, كاسپي تەڭىزى جاعالاۋىنا جەرلەستەرىمىز ارالاس قۇرامدا اتتاندى. سولاردىڭ اراسىنداعى ەڭ تانىمالدارى – ءابيبا ابىجاقىنوۆا (48 كگ), عاليا تىنباەۆا (48 كگ), ەسميگۇل كۋيۋلوۆا (63 كگ) جانە كاميلا بەرلىكقاش (+78 كگ). بۇل بالۋاندار ازەربايجاندا دا, وزبەكستاندا دا ونەر كورسەتەدى.
ەرلەر سايىسىندا باۋىرجان نابارباەۆ (60 كگ), سۇڭعات جۇباتقان (66 كگ), جانساي سماعۇلوۆ (73 كگ) جانە يسلام بوزباەۆقا (100 كگ) سەنىم ارتامىز. ال ەلامان ەرعاليەۆ پەن ءادىل ورازباەۆ سىندى تۇيە بالۋاندارىمىز ازەربايجاندا الىپتارمەن ايقاسادى.