«ITTF fa20 Astana para open 2024» حالىقارالىق تۋرنيرىنە 19 ەلدەن 150-دەي پارا سپورتشى قاتىسادى. اتالعان بايراقتى باسەكە ناۋرىز ايىنىڭ 1-3 كۇندەرى ارالىعىندا «add Table Tennis Center Astana» ۇستەل تەننيسى ورتالىعىندا وتەدى, دەپ حابارلايدى Egemen.kz.
ۇستەل تەننيسىنەن استانا قالاسىنىڭ اعا جاتتىقتىرۋشىسى گەننادي گەرراسيمەنكونىڭ ايتۋىنشا, ITTF Fa20 Astana para open 2024 – حالىقارالىق رەيتينگتە ورىن الۋعا, سونداي-اق حالىقارالىق كلاسسيفيكاتسياسى جوق سپورتشىلار ءۇشىن حالىقارالىق كلاسسيفيكاتسيا الۋعا تاماشا مۇمكىندىك.
«مىسالى, ارباداعى سپورتشىلارعا 1-5 كلاسس, تىرەك-قيمىل اپپاراتى زاقىمدانعان سپورتشىلارعا 6-10 كلاسس, ينتەللەكتۋالدى مۇمكىندىكتەرى شەكتەۋلى سپورتشىلارعا 11 كلاسس بەرىلەدى (ونىڭ ىشىندە باسقا ساناتتارعا بولىنەدى). بۇل تۋرنيرگە ءبىزدىڭ سپورتشىلار التى اي بويى دايىندالدى. كۇندەلىكتى جاتتىعۋعا 3 ساعات بولەمىز, سونىمەن قاتار جالپى دەنە شىنىقتىرۋعا ەرەكشە نازار اۋدارامىز. جاتتىعۋ كەزىندە ءار سپورتشىعا جەكە ويىن ءادىسى مەن تەحنيكاسى جاسالادى. ەلىمىزدە حالىقارالىق جارىستار ءوتىپ جاتقانىنا وتە قۋانىشتىمىن. سپورتشىلارىمىز جاقسى ناتيجەگە قول جەتكىزەتىنىنە سەنىمدىمىن», دەيدى ول.