الەۋمەتتىك جەلىلەردە ەڭبەك جانە حالىقتى الەۋمەتتىك قورعاۋ مينيسترلىگى وتەماقى تولەيتىنى تۋرالى اقپارات تاراپ ءجۇر. ۆەدومستۆو بۇل اقپاراتتى جوققا شىعاردى, دەپ جازادى Egemen.kz اتالعان مينيسترلىكتىڭ ءباسپاسوز قىزمەتىنە سىلتەمە جاساپ.
«الەۋمەتتىك جەلىلەردە قازاقستان ازاماتتارىنا ەڭبەك جانە حالىقتى الەۋمەتتىك قورعاۋ مينيسترلىگى تاراپىنان وتەماقى تولەنەتىنى تۋرالى جالعان اقپارات تاراپ جاتىر. تاعايىندالعان قاراجاتتى اۋدارۋ ءۇشىن بەلگىسىز ادامدار سىلتەمەگە ءوتۋدى ۇسىنادى.
الەۋمەتتىك كومەكتىڭ مۇنداي ءتۇرى جوق ەكەنىن حابارلايمىز. تيىسىنشە, حابارلامادا كورسەتىلگەن سىلتەمە الاياقتار ءۇشىن ازاماتتاردىڭ جەكە دەرەكتەرىن الۋ ءتاسىلى بولۋى مۇمكىن. الاياقتارمەن ءوزارا ارەكەتتەسۋدى بولدىرماۋ ءۇشىن سىلتەمەگە وتپەۋگە كەڭەس بەرەمىز.
مەملەكەتتىك قولداۋدىڭ ءتيىستى شارالارى تۋرالى رەسمي اقپارات تەك قانا 1414 نومىرىنەن سمس-حابارلامالار ارقىلى تاراتىلادى.
ازاماتتاردان تەك رەسمي كوزدەردەگى اقپاراتتى پايدالانۋىن سۇرايمىز. جالعان اقپارات تاراتۋ زاڭمەن جازالاناتىنىن ەستەرىڭىزگە سالامىز», دەلىنگەن حابارلامادا.