توتەنشە جاعدايلار مينيسترلىگى ەل تۇرعىندارىنا دابىلدىڭ قوسىلۋىنا بايلانىستى ەسكەرتۋ جاسادى, دەپ حابارلايدى Egemen.kz.
8 جانە 9 اقپاندا ەلىمىزدە «كوكتەم-2024» وقۋ-جاتتىعۋى وتەدى. ولار جىل سايىن سۋ تاسقىنىنا دايىندىق ءۇشىن ۇيىمداستىرىلادى. بيىل رەسپۋبليكالىق شتاب اقتوبەدە ورنالاسادى.
اۋماقتىق دەڭگەيدەگى ەسكەرتۋ جۇيەسىنىڭ دايىندىعىن تەكسەرۋ ءۇشىن 8 اقپاندا استانا ۋاقىتىمەن ساعات 12:55-تە بارلىق قولدا بار دىبىستىق ەلەكتر سيرەنالارى ىسكە قوسىلادى. «سابىرلىق ساقتاپ, دۇربەلەڭ مەن قاۋەسەتتەرگە بەرىلمەۋىڭىزدى سۇرايمىز», دەدى قۇتقارۋشىلار.
وتكەن جىلى تۇركىستان, پاۆلودار, اباي, باتىس قازاقستان, اقتوبە وبلىستارىنىڭ تۇرعىندارى سۋ تاسقىنىنان زارداپ شەكتى.