تۋريزم جانە سپورت مينيسترلىگى «ساتتى جۇلدىز» اق لوتەرەيا كلۋبتارىنىڭ جانە جىلدام ەلەكتروندى لوتەرەيا تەرمينالدارىنىڭ جۇمىسىن جەتىلدىرۋ, تارتىپكە كەلتىرۋ ماقساتىندا ۇكىمەتپەن بىرلەسكەن شارا قابىلداپ جاتىر, دەپ جازادى Egemen.kz.
مينيسترلىك وسى باعىتتا ازاماتتاردىڭ ءوتىنىشىن ەسكەرە وتىرىپ, 2024 جىلعى 30 قاڭتاردان باستاپ رەسپۋبليكا اۋماعىندا «Lotomatic» تەرمينالدارى/كيوسكىلەرى ارقىلى ەلەكتروندى جىلدام لوتەرەيانى تاراتۋ ۋاقىتشا توقتاتىلعانىن حابارلادى.
قۇزىرلى ورگان «Lotomatic» رەسمي تەرمينالدارىنا ۇقساس بەزەندىرىلگەن جالعان اپپاراتتاردىڭ زاڭسىز جۇمىسىن باقىلاۋدا ۇستايدى.
تۇرعىنداردان زاڭسىز جۇمىس ىستەپ تۇرعان لوتورەيالىق ەلەكتروندى اپپاراتتار تۋرالى مالىمەت بەرۋ سۇرالادى.
ول ءۇشىن مينيسترلىكتىڭ Telegram (https://t.me/stop_online_casino_bot) جانە WhatsApp (+7 707 9071507) چات-بوتىنا بايلانىسۋعا بولادى.
زاڭسىز لوتورەيا اپپاراتىن ۇيىمداستىرعان تۇلعالار قۇقىقتىق جاۋاپكەرشىلىككە تارتىلادى.