مەملەكەت باسشىسى اكىمدەردىڭ حالىقپەن تىعىز بايلانىستا بولۋىن تاپسىرعان ەدى. سول ارقىلى ەلدىڭ مۇڭ-مۇقتاجى انىق كورىنەتىنى ايان. وسى رەتتە شاھار باسشىسى ەرنات ءبازىل تالدىقورعاندى قوعامدىق كولىكپەن ارالاپ, جۇرتتىڭ تىلەگىن تىڭدادى. وزىمەن ەركىن تىلدەسكەن جەتىسۋلىقتار قالا اكىمىنىڭ قاراپايىمدىلىعىنا ريزا بولدى.
ەل پرەزيدەنتى قاسىم-جومارت توقاەۆ «سىندارلى قوعامدىق ديالوگ – قازاقستاننىڭ تۇراقتىلىعى مەن وركەندەۋىنىڭ نەگىزى» اتتى جولداۋىندا «حالىق ۇنىنە قۇلاق اساتىن مەملەكەت» تۇجىرىمداماسىن بەكىتكەن ەدى. ياكي, مەملەكەتتىك قىزمەتكەر حالىقتىڭ تىلەك-ارىزىن جەرگە تاستاماي, ماسەلەسىن شەشۋگە ۇمتىلۋى شارت. سوعان وراي قالا باسشىسى قىزمەتتىك كولىگىنسىز, جالعىز ءوزى ەل ءىشىن قوعامدىق كولىكپەن ارالاپ, تۇرعىندارمەن تىلدەستى.
قالا اكىمىن بىردەن تانىعان جۇرتشىلىق ونىڭ بۇل باستاماسىن قولداپ, حالىقپەن بىرگە قوعامدىق كولىكپەن ءجۇرىپ قالا ءىشىن ارالاپ جۇرگەن ەڭ العاشقى اكىم ەكەندىگىن ايتتى.
ادەتتەگىدەي ەمەس قالا اكىمى ەرنات دۇيسەنبەك ۇلى تۇرعىنداردىڭ جەكە ماسەلەلەرىن كابينەتتە ەمەس تۇرعىندارعا تولى اۆتوبۋستا تىڭداپ, كەي ماسەلەنى جەكە باقىلاۋىنا الاتىندىعىن جەتكىزدى.
«كەيىنگى ۋاقىتتا قوعامدىق كولىكتە بولاتىن كەلەڭسىز جايتتار جيىلەپ كەتكەندىگىن الەۋمەتتىك جەلىدەن بايقاپ وتىرمىن. وسىعان وراي, بۇگىن ارنايى شىعىپ وسى ماسەلەگە قاتىستى حالىقتىڭ پىكىرىن تىڭداپ, تۇراقتى تۇردە قالانى قوعامدىق كولىكپەن ارالاماقپىن. جاي عانا اۆتوبۋستا ءجۇرىپ قانا قويماي جۇرتشىلىقتىڭ ماسەلەسىنە تەرەڭىنەن ۇڭىلۋگە مۇمكىندىك بەرەدى ەكەن», دەدى ە.ءبازىل.
سونىمەن قاتار قالا باسشىسى كوممۋنالدىق بازارمەن ورتالىقتا جايعاسقان ساۋدا نىساندارىن دا ارالادى. الداعى ۋاقىتتا بۇل ءۇردىس ادەتكە اينالماق. تۇرعىندارمەن تىعىز قارىم-قاتىناس ورناتۋ ءۇشىن, قالانىڭ ىشكى ماسەلەسىمەن ءجىتى تانىسۋ ءۇشىن وزگە دە اۆتوبۋستارمەن وبلىس ورتالىعىن ارالايدى.