جەلتوقسان ايىندا بانكتەر جەكە تۇلعالاردىڭ دەپوزيتتەرىن 13,7% ورتاشا الىنعان مولشەرلەمەمەن تارتتى. وتكەن ايمەن سالىستىرعاندا تومەندەۋ 0,2 پايىزدىق تارماقتى قۇرادى. اعىمداعى كورسەتكىش 2023 جىلدىڭ ناۋرىزىنان بەرى ەڭ تومەنگى دەڭگەي. بۇل تۋرالى DataHub ءبىرىنشى نەسيەلىك بيۋروسىنىڭ Telegram ارناسى ۇلتتىق بانك دەرەكتەرىنە سىلتەمە جاساپ حابارلادى, دەپ جازادى Egemen.kz.
«بازالىق مولشەرلەمەنىڭ تومەندەۋى اياسىندا حالىق ءۇشىن بانكتىك دەپوزيتتەردىڭ تارتىمدىلىعى تومەندەۋدە. ەستەرىڭىزگە سالا كەتەيىك, بازالىق مولشەرلەمە 2023 جىلدىڭ تامىزىندا تومەندەي باستادى. بۇعان دەيىن ول وتە جوعارى دەڭگەيدە ۇزاق ۋاقىت ساقتالدى - 16,75%. بىراق مۇنىڭ ءبارى بانكتەردە دەپوزيت اشۋ ءتيىمسىز بولىپ كەتتى دەگەن ءسوز ەمەس. قاراپ وتىرساڭىز, 13,7 پايىز از ەمەس. سالىستىرىڭىز: كوپجىلدىق ەڭ جوعارى كورسەتكىش – 14%. ايتپاقشى, ول 2023 جىلدىڭ ماۋسىم, قىركۇيەك جانە قازان ايلارىندا تىركەلدى», دەپ اتاپ ءوتتى بكب ء(بىرىنشى كرەديتتىك بيۋرو).
بانكتەر ءداستۇرلى تۇردە بيزنەسكە قولايلى جاعداي جاسايدى. جەلتوقسان دا ەرەكشە قالمادى. بانكتىك ەمەس زاڭدى تۇلعالاردىڭ تارتىلعان دەپوزيتتەرى بويىنشا ورتاشا الىنعان مولشەرلەمە 14.6%-دى قۇرادى. بۇل قاراشاداعىداي, سونىمەن قاتار كوپجىلدىق ەڭ جوعارى كورسەتكىشكە (14.7%) وتە جاقىن.
«نەسيە مولشەرلەمەلەرى بازالىق مولشەرلەمە ديناميكاسىنىڭ ايقىن اسەرىن كورسەتەدى. قاراشا جانە شىلدە ايلارىنىڭ ماندەرىن الىپ تاستاساق (بۇل ايلاردا ءىرى بانكتەردىڭ ءبىرىنىڭ ماركەتينگتىك ناۋقانى بولدى), جەلتوقساندا بانكتەردىڭ حالىققا بەرگەن نەسيەلەرى بويىنشا ورتاشا الىنعان مولشەرلەمەسى ءبىر جىلداعى ەڭ تومەنگى دەڭگەيگە – 17.9-عا جەتتى.
بيزنەس جاعدايىندا مينيمۋم 2023 جىلدىڭ ساۋىرىنەن باستاپ 18.7% پايىز بولىپ بەكىتىلدى», دەپ اتاپ ءوتتى DataHub.