كادرلاردى دايارلاۋ جانە بىلىكتىلىگىن ارتتىرۋ جۇيەسىنىڭ تيىمدىلىگىن ارتتىرۋ ءۇشىن 2023-2024 وقۋ جىلىنان باستاپ مىندەتتى رەزيدەنتۋرامەن جالپى وقۋ مەرزىمى التى جىل ۇزدىكسىز ينتەگراتسيالانعان مەديتسينالىق ءبىلىم بەرۋ باعدارلاماسى ەنگىزىلدى, ونى اياقتاعاننان كەيىن ءبىتىرۋشى دارىگەر بىلىكتىلىگىن جانە مەديتسينا ماگيسترى دارەجەسىن الادى, دەپ حابارلايدى Egemen.kz دەنساۋلىق ساقتاۋ مينيسترلىگىنىڭ ءباسپاسوز قىزمەتىنە سىلتەمە جاساپ.
دارىگەرلەردىڭ قاجەتتىلىگىن قامتاماسىز ەتۋ ءۇشىن, ونىڭ ىشىندە ءجىتى تاپشى ماماندىقتار بويىنشا 2023 جىلى رەسپۋبليكالىق بيۋدجەتتىڭ ەسەبىنەن 6 مىڭعا جۋىق ءبىلىم گرانتى ءبولىندى, ونىڭ ىشىندە 2,7 مىڭى – باكالاۆريات جانە ينتەرناتۋرا, 2,5 مىڭى – رەزيدەنتۋرا, 325 – ماگيستراتۋرا; 160 – دوكتورانتۋرا.
2023 جىلى ەلىمىزدىڭ مەديتسينالىق جوعارى وقۋ ورىندارى 7 مىڭعا جۋىق دارىگەر وقىتتى, ورتا مەديتسينا قىزمەتكەرلەرىنىڭ سانى 23 مىڭنان استى. 3 مىڭنان استام دەنساۋلىق ساقتاۋ ماماندارىن ءبولۋ بويىنشا جۇمىسقا ورنالاستىرىلدى.
جەرگىلىكتى بيۋدجەت قاراجاتىنىڭ ەسەبىنەن بيىل 16,5 مىڭ دارىگەر, ونىڭ ىشىندە شەتەلدە 108 ادام بىلىكتىلىگىن ارتتىردى.
دارىگەرلەردىڭ قۇزىرەتىن ارتتىرۋ ماقساتىندا جالپى ۇزاقتىعى 1 ايدان 3 ايعا دەيىنگى اۋىلدىق, قالالىق, وبلىستىق جانە رەسپۋبليكالىق دەنساۋلىق ساقتاۋ ۇيىمدارىندا رەزيدەنت دارىگەرلەردى مىندەتتى كلينيكالىق دايارلاۋدى ەنگىزۋ كوزدەلگەن.
بۇل رەتتە تۇلەكتەردى الەۋمەتتىك قولداۋ شەڭبەرىندە 601 مامانعا كوتەرمە جاردەماقى ءبولىندى, 384 جاس دارىگەر تۇرعىن ۇيمەن قامتاماسىز ەتىلدى, 74 مامان وزگە دە قولداۋ شارالارىن الدى.
مەديتسينا سالاسىندا 78 مىڭنان استام دارىگەر جانە 180 مىڭعا جۋىق ورتا مەديتسينالىق بۋىن ماماندارى بار.