الماتىدا جەر سىلكىنىسى زارداپ شەككەندەردىڭ بارلىعى قاجەتتى مەديتسينالىق كومەكتىڭ تولىق كولەمىن الىپ جاتىر, دەپ حابارلايدى Egemen.kz.
ساعات 17:00-دەگى جاعداي بويىنشا الماتى قالاسىنىڭ اۋرۋحانالارىنا 67 ادام مەديتسينالىق كومەككە جۇگىنگەن. ونىڭ 55-ءسى ەرەسەك, 12-ءسى بالا. سەگىز ادام اۋرۋحاناعا جاتقىزىلدى ء(ۇش ەرەسەك جانە 5 بالا), قالعان ناۋقاستار بارلىق قاجەتتى تەكسەرۋدەن كەيىن امبۋلاتورلىق ەمدەۋگە جىبەرىلدى.
ءۇش ەرەسەك ناۋقاس قالالىق جەدەل شۇعىل كومەك كورسەتۋ اۋرۋحاناسىندا جاتىر. ناۋقاستاردىڭ ءبىرى وتادان كەيىن جانساقتاۋ بولىمىندە, جاعدايى اۋىر دەپ باعالانىپ وتىر.
ەكى ناۋقاس تراۆماتولوگيا جانە ورتوپەديا بولىمشەسىندە جاتىر, جاعدايى ورتاشا اۋىر.
بالالار جەدەل مەديتسينالىق جاردەم ورتالىعىندا ءتورت بالا: 6 جانە 7 ايلىق, 7 جانە 16 جاستاعى بالالار مەديتسينالىق كومەك الىپ جاتىر. ولاردىڭ بارلىق جاراقاتى ۇيدە قۇلاۋ سالدارىنان بولعان. سابيلەرگە كەلەتىن بولساق, ءبىر ءسابي اناسىنىڭ قۇشاعىنان, ەكىنشىسى بەسىكتەن قۇلاعان. بارلىق بالانىڭ جاعدايى ورتاشا تۇراقتى دەپ باعالانادى. ولار نەيروحيرۋرگيا جانە تراۆماتولوگيا بولىمشەسىندە ەم قابىلداپ جاتىر. حيرۋرگيالىق وتا جاسالمادى, ەمى كونسەرۆاتيۆتى بولدى.
جرۆي دياگنوزى قويىلعان 17 جاستاعى ءبىر بالا قالالىق بالالار جۇقپالى اۋرۋلار اۋرۋحاناسىندا ەم قابىلداپ جاتىر.