ەۋرازيا ۇلتتىق ۋنيۆەرسيتەتىنىڭ IT ماماندارى قازاق ءتىلىنىڭ قولدانىس اياسىن كەڭەيتىپ, تەگىن تسيفرلىق ونىمدەر جاساپ جاتىر. «قىزىقتى ونوماستيكا» جاڭا ءموبيلدى قوسىمشاسى ادام ەسىمىنىڭ, گەوگرافيالىق نىسانداردىڭ, جانۋارلار مەن قۇستاردىڭ ماعىناسى مەن شىعۋ تەگىن بىلۋگە مۇمكىندىك بەرەدى, دەپ جازادى Egemen.kz عىلىم جانە جوعارى ءبىلىم مينيسترلىگىنە سىلتەمە جاساپ.
«ەۇۋ IT ماماندارى قازاق تىلىندە «قىزىقتى ونوماستيكا» ءموبيلدى قوسىمشاسىن ازىرلەدى. جاڭا تسيفرلىق ءونىم 800-دەن استام جەكە اتاۋلاردى بىرىكتىرەدى. ولار 100-دەن استام سەمانتيكالىق بەلگىلەر بويىنشا توپتاستىرىلعان جانە بۇل باعدارلامانىڭ باستى ارتىقشىلىعىنا اينالدى. ءموبيلدى قوسىمشانى پايدالانۋشىلارعا سابيىنە ەسىم تاڭداۋعا نەمەسە ءوز ەسىمىنىڭ ماعىناسىن ءبىلۋ مۇمكىندىگى دە ۇسىنىلعانى» جازىلعان اقپاراتتا.