الەمگە تانىمال ءانشى ديماش قۇدايبەرگەن پلاسيدو دومينگومەن دۋەت بولىپ ءان ورىندادى, دەپ حابارلايدى Egemen.kz.
بۇل تۋرالى ءانشى Instagram جەلىسىندەگى پاراقشاسىندا جازدى.
قازاقستاننىڭ حالىق ءارتىسى ماەسترومەن سۋرەتىن جاريالاپ, پرەمەرا كۇنىن مالىمدەدى.
ءاننىڭ پرەمەراسى ەرتەڭ وتەدى, ونەر يەسى پەرفومانستى جازۋ بارىسىندا تۇسىرىلگەن فوتوسۋرەتتى كورسەتتى. ديماش سونىمەن بىرگە دومينگو ەكەۋى دۋەت رەتىندە قانداي شىعارما ورىنداعانىن ايتتى.
- ەرتەڭ حح عاسىردىڭ ۇزدىك داۋىسى, ماەسترو پلاسيدو دومينگو مىرزا ەكەۋمىز ورىنداعان 1863 جىلعى جورج بيزەنىڭ The pearl Fishers وپەراسىنان تۋىندى ورىندايمىز, - دەپ جازدى يسپاندىق وپەرا انشىسىمەن بىرلەسكەن فوتوسۋرەتتىڭ سيپاتتاماسىندا ديماش قۇدايبەرگەن.