«بارمىسىڭ, باۋىرىم؟» باعدارلاماسىنىڭ رەداكتورى ءارى جۇرگىزۋشىسى قىمبات دوسجان بەلگيالىق وتباسى اسىراپ العان قازاق بالاسى جانىبەكتىڭ اكەسى بولۋىم مۇمكىن دەپ ءبىر جىگىتتىڭ حابارلاسقانىن جازدى, دەپ حابارلايدى Egemen.kz.
«قۇدايعا شۇكىر. ەر-ازاماتتار ويانا باستادى. «مەن جانىبەكتىڭ اكەسى بولۋىم مۇمكىن, دنق اناليز تاپسىرايىنشى» دەپ ءبىر باۋىرجان ەسىمدى ەر جىگىت حابارلاستى. بۇگىن اسەل اسقارقىزىمەن («بارمىسىڭ, باۋىرىم؟» باعدارلاماسىنىڭ رەداكتورى) بىرگە كلينيكاعا بارىپ, باۋىرجان قان تاپسىردى. ەندى ناتيجەسىن كۇتەيىك», – دەپ جازدى قىمبات دوسجان.
ايتا كەتەيىك, 21 جاستاعى ەددي جانعا دۇنيەگە كەلگەندە جانىبەك دەگەن ەسىم بەرىلگەن ەكەن. الايدا قازىر ەددي جان ءوزىن مۇرات دەپ اتايدى. قىمبات دوسجان وعان اناسىن تابۋعا كومەكتەسىپ ءجۇر.