قوعام دامۋىنا سەرپىن

پرەزيدەنتتىڭ ات ۇستىندە جۇرگەن ازا­مات­تاردىڭ ءاردايىم باستاماشىل, ناقتى ىسى­مەن ەلگە پايدا اكەلۋى قاجەت دەگەن ءسوزى  ءورشىل رۋحتى مىنەزى بولۋى كەرەك دەگەن ويمەن ۇندەسەدى. ياعني رۋحتى مىنەز ماڭىزدى شە­شىمدەر قابىلداۋدا ماڭىزعا يە.

ءبىز مەملەكەت باسشىسىنىڭ باستاماسى­مەن كەيىنگى ەكى جىلدا كوپتەگەن ماڭىزدى رەفورمانى ىسكە اسىرىپ جاتىرمىز. ەل تاريحىندا تۇڭعىش رەت اۋىل جانە اۋدان اكىمدەرىن اشىق سايلاۋدى باستادىق. وسىن­داي كوپتەگەن وزگەرىس قاسىم-جومارت كەمەل­ ۇلىنىڭ «حالىق ۇنىنە قۇلاق اساتىن مەملەكەت» تۇجىرىمداماسى اياسىندا جۇ­زەگە اسىپ كەلەدى.

پرەزيدەنت سۇحباتىندا اتاپ ايتقانداي, حال­قىمىزدىڭ قۋاتىن ارتتىرۋ, تابىسقا جەتەلەۋ جولىندا ايانباي جۇمىس ىستەيتىن بولامىز. باتىس قازاقستان وبلىسى بۇل تۇرعىدا كەلەلى ىستەردى اتقاراتىن بولادى. حالىقتى الاڭداتاتىن الەۋمەتتىك ماسە­لەلەردى شەشۋ  ءبىز ءۇشىن باستى مىندەت بول­ماق.

وسى جىلى مەملەكەت باسشىسىنىڭ تاپ­سىرماسىنا سايكەس ءوڭىر ەكونوميكاسىن كو­تەرۋ, ءبىلىم بەرۋ, مادەنيەت, دەنساۋلىق ساق­تاۋ, اۋىلداردى دامىتۋ سالالارىندا بىر­قاتار جوبانى ىسكە اسىرۋ جوسپارىمىزدا بار.

وتكەن جىلدى جاقسى كورسەتكىشتەرمەن اياقتادىق. وبلىستا حالىق يگىلىگى جولىندا 17 مەكتەپ, 12 مەديتسينالىق, 2 مادەنيەت, 3 سپورتتىق نىسان عيماراتتارى قولدانىسقا بەرىلدى. رەسپۋبليكالىق جانە وبلىستىق ماڭىزى بار 617 كيلومەتر جول جوندەۋدەن ءوتتى. سونداي-اق جەرگىلىكتى دەڭگەيدەگى 312 كيلومەتر جول جوندەلدى. ءوڭىر تۇرعىندارى ءۇشىن 73 تۇرعىن ءۇي قولدانىسقا بەرىلدى. اۋىز سۋ ماسەلەسى دە شەشىمىن تاپتى. بيىل 47 اۋىلدا جاڭا سۋ قۇبىرلارى سالىنىپ, تازا اۋىز سۋمەن قامتىلدى. ءوڭىر ەكو­نوميكاسىن ءارتاراپتاندىرۋ ءۇشىن الداعى 5 جىل ىشىندە 2,4 ترلن تەڭگەگە 70 ين­ۆەستيتسيالىق جوبانى ىسكە اسىرۋ جوسپارلانىپ وتىر. وسىنىڭ ارقاسىندا مىڭنان استام جاڭا جۇمىس ورنى اشىلادى.

مەملەكەت باسشىسى اۋىلداردى دامىتۋ, جەرگىلىكتى ەلدى مەكەندەردە تۇراتىن تۇرعىنداردىڭ ءال-اۋقاتىن ارتتىرۋ باس­تى مىندەتىمىز ەكەنىن اتاپ وتكەن بولاتىن. وسىنىڭ اياسىندا «اۋىل اماناتى» باعدارلاماسى بويىنشا 2023 جىلعا رەسپۋبليكالىق بيۋدجەتتەن وبلىسىمىزعا 6,4 ملرد تەڭگە كرەديتتىك قاراجات ءبولىندى. قازىرگى تاڭدا باعدارلاما اياسىندا ءوڭىر بويىنشا ءوتىنىش بىلدىرگەن 934 ازاماتقا 6,2 ملرد تەڭگە نەسيە بەرىلدى. بەرىلگەن قارا­جات اۋىلدىق ايماقتاردا تۇرىپ جات­قان ىسكەر ازاماتتاردىڭ كاسىبىن دامىتۋعا كومەك بەرەدى.

قازىرگى تاڭدا وبلىستا 270 اۋىلشارۋا­شىلىق كووپەراتيۆتەرى جۇمىس ىستەيدى. سو­نىڭ ىشىندە وتكەن جىلى 49 جاڭا كوو­پەراتيۆ اشىلىپ, «اۋىل اماناتى» باعدارلاماسى اياسىندا جەڭىلدەتىلگەن نەسيەگە قول جەتكىزدى.

پرەزيدەنتتىڭ تاپسىرماسى اياسىندا وتكەن جىلى ەلىمىزدە اۋىلدىق ايماقتاردى دامىتۋدىڭ 2023-2027 جىلدارعا ارنالعان تۇجىرىمداماسى قابىلداندى. قۇجات اياسىندا وڭىردە حالىقتى قالادان اۋىلدىق جەرلەرگە كوشىرۋ باعدارلاماسىن ىسكە اسىراتىن بولامىز. بۇل باعدارلاما پرە­زي­دەنت سۇحباتىندا اتاپ كورسەتكەندەي, ازا­ماتتاردىڭ ءال-اۋقاتىن كوتەرۋگە باعىت­تا­لاتىن بولادى.

كەيىنگى جىلدارى حالىقتىڭ اۋىلعا كوشۋ ءۇردىسى بايقالىپ تۇر. كەيىنگى 3 جىلدا اۋىلدىق جەرلەرگە 3 616 ادام قونىس اۋدارعان. قالادان اۋىلعا كوشۋ – كەزىندە اۋىلدان كوشىپ كەتكەن ازاماتتار اۋىلعا قايتا ورالىپ, ءوز ءىسىن اشىپ, قاسيەتتى قارا شاڭىراقتى قايتا تۇلەتەدى دەگەن ءسوز.

ءبىز اۋىلعا كوشىپ بارامىن دەگەن ازامات­تار­عا ءوز تاراپىمىزدان مەملەكەتتىك باع­دارلامالاردى پايدالانا وتىرىپ جانە جەرگىلىكتى بيۋدجەتتىڭ مۇمكىندىكتەرىن ەسكەرە وتىرىپ بارىنشا قولداۋ بىلدىرەمىز. سونىڭ ءبىرى اۋىلدىق جەرلەرگە بارعان دارى­گەر­لەرگە 2,5 ملن تەڭگەدەن 5 ملن تەڭ­گەگە دەيىن قارجىلاي كومەك كورسەتىلدى. الدا­عى جىلداردا بۇل قاراجاتتىڭ كولە­مىن 5 ملن تەڭگەدەن 8 ملن تەڭگەگە دەيىن كوبەيتۋدى جوسپارلاپ وتىرمىز.

بۇدان بولەك, وڭىردە «وتباسى بانك»-پەن بىرلەسە 35 جاسقا دەيىنگى جاستارعا جەڭىل­دەتىلگەن نەسيە بەرىپ, ولاردى تۇرعىن ۇي­مەن قامتاماسىز ەتۋ جۇمىستارىن قولعا الىپ وتىرمىز. «وتباسى بانك» ارقىلى تۇرعىن ءۇي الۋعا 600 ملن تەڭگە كولەمىندە قاراجات ءبولىندى. وسىنىڭ اياسىندا 40 جاس وتباسىنى باسپانامەن قامتۋ جوسپارلانىپ وتىر. وبلىستا وسىنداي ماڭىزدى باستامالار الداعى ۋاقىتتا دا جالعاسادى.

پرەزيدەنت سۇحباتتا بۇگىنگە دەيىنگى جەتىستىكتەردى وي ەلەگىنەن وتكىزىپ, الداعى ماقسات-مىندەتتەرگە بارىنشا نازار اۋدارعان. بارلىق دەڭگەيدەگى شەنەۋنىكتەر مەن باسشىلار قوعامنىڭ تامىرىن تاپ باسا بىلۋگە, ازاماتتاردىڭ مۇڭ-مۇقتاجىن تىڭداپ-تۇسىنۋگە, سوعان سايكەس دەر كەزىندە ناتيجەلى شارالار قابىلداۋعا جانە دۇرىس شەشىم شىعارۋعا قابىلەتتى بولۋى كەرەك. بۇل – ەڭ باستى تالاپ. «ولار «ادام مەملەكەت ءۇشىن ەمەس, مەملەكەت ادام ءۇشىن» دەگەن قاعيداتتى بەرىك ۇستانۋعا ءتيىس», دەدى پرەزيدەنت.

مەملەكەت باسشىسى ايتقانداي, حالىق يگىلىگى جولىندا شەشىم قابىلداۋدان قورىقپاي, بارشامىز ەلگە پايداسى تيەتىن ناقتى جۇمىستاردى اتقارۋىمىز قاجەت. پرەزيدەنت سۇحباتىنداعى باعىتتار قوعام­نىڭ دامۋىنا سەرپىن بەرەتىنى انىق. سون­دىقتان ادىلەتتى قازاقستاندى قۇرۋ جو­لىندا پرەزيدەنت كورسەتكەن باسىم با­عىتتار اياسىندا جۇمىستى جالعاس­تى­راتىن بولامىز.

ناريمان تورەعاليەۆ,

باتىس قازاقستان

وبلىسىنىڭ اكىمى