ەلەنا – شيرەك فينالدا

جارىستى ەكىنشى اينالىمنان باستاعان ە.رىباكينا العاشقى ويىنىن الەمدىك رەيتينگتە 124-ورىندا تۇرعان وليۆيا گا­دەكيگە قارسى وتكىزدى. دەڭگەيدىڭ اتى – دەڭگەي, بۇل كەزدەسۋ ءبىزدىڭ تەننيسشىگە اسا قيىن­دىق تۋعىزبادى. ءبىرىنشى سەتتە ازداعان با­سىمدىقپەن ۇتسا, ەكىنشى سەتتە تىپتەن مۇم­كىندىك بەرمەدى دەۋگە بولادى: 6:4, 6:1. ءبىر ساعات­تان اسا ۋاقىتقا سوزىلعان باسەكەدە ەلەنا 4 ەيس جاساپ, 5 برەيك-پوينتتىڭ ۇشەۋىن پايدالاندى.

ال وتانداسىمىزدىڭ ءۇشىنشى اينالىم­داعى قارسىلاسى وسال بولمادى. ول – الەمنىڭ 30-راكەتكاسى, بەلگيالىق ەليزا مەرتەنس. وسىعان دەيىن قارسىلاستار ءوزارا ءتورت مار­تە كەزدەسسە, سونىڭ ۇشەۋىندە ەلەنا جە­ڭىسكە جەتكەن ەدى. بۇل جولى ءبىرىنشى پارتيا­دا قوس برەيك جاساعان ە.رىباكينا ايقىن باسىمدىق تانىتتى – 6:1. ەلەنا ەكىنشى سەتتى دە برەيكپەن باستادى. اقىرى 6:0 ماتچ نۇكتەسىن ەسەبىمەن قويدى. ءبىر ساعاتقا جەتپەيتىن ۋاقىت ىشىندە ەلەنا 3 ەيس جاساپ, 15 برەيك-پوينتتىڭ بەسەۋىن ءوز ەسەبىنە جازدى.

ەندى ەلەنا دودانىڭ جارتىلاي فينالىنا شىعۋ ءۇشىن رەسەيلىكتەر, الەمنىڭ 16-راكەتكاسى ۆەرونيكا كۋدەرمەتوۆا نەمەسە رەيتينگتە 28-ساتىداعى اناستاسيا پوتاپوۆانىڭ بىرەۋىمەن تالاسادى.