فۋتبولدان ۇلتتىق قۇرامانىڭ باس باپكەرى ماگومەد اديەۆ بىلتىر 26 ناۋرىزدا «استانا ارەنا» ستاديونىندا وتكەن قازاقستان-دانيا ماتچىندا باپكەرلىك قىزمەتتەن كەتۋ تۋرالى شەشىم قابىلداعانىن ايتتى, دەپ حابارلايدى Egemen.kz.
Qazsport تەلەارناسى تۇسىرگەن «نا پۋتي ك مەچتە» دەرەكتى فيلمىندە ماگومەد مۇسا ۇلى ستاديوندا قابىلداعان شەشىمى تۋرالى ايتتى.
ء«بىزدىڭ جىگىتتەر 1-تايمدا 0:2 ەسەبىمەن ۇتىلدى. ۇزىلىستە كيىم اۋىستىراتىن بولمەدە شاكىرتتەرىمە ءوز ويىمدى ايتتىم. ەگەر ءبىز 2-تايمدى دا ءال وسى قارقىنمەن وتكىزىپ, جەڭىلسەك, مەن ماتچتان كەيىن باس باپكەرلىك قىزمەتىمدى وتكىزەتىنىمدى جاريا تۇردە جەتكىزەمىن دەدىم. ءبىز تىم بولماسا قارىمتاعا 1 گول سوقساق, ويىن باسقاشا سيپات الاتىنىن ايتىپ, جىگىتتەردى قايرادىم», دەدى م.اديەۆ.
قازاقستان ۇلتتىق قۇراماسى سول ماتچتا دانيا فۋتبولشىلارىن 3:2 ەسەبىمەن ۇتقان ەدى.