3 قاڭتارعا قاراعان ءتۇنى قىزىلجار اۋىلىندا ورنالاسقان «الماز» دۇكەنىنىڭ ماڭىندا جاپپاي توبەلەس بولىپ, سالدارىنان ەكى ءجاسوسپىرىم قايتىس بولدى, دەپ جازادى Egemen.kz.
توبەلەستىڭ سىرتتاي كۋاگەرى بولعان تۇرعىندار وقيعا تۋرالى پوليتسياعا شاعىم تۇسىرگەن. شاقىرىلعان جەرگە جەدەل جەتكەن قۇزىرلى ورگاندار وسى فاكتى بويىنشا قىلمىستىق كودەكستىڭ 99 بابىنىڭ 2-بولىگى 1, 9, 14-تارماقتارى بويىنشا قىلمىستىق ءىس قوزعادى. جاسوسپىرىمدەر اراسىنداعى قاقتىعىستىڭ سەبەبىن ءمالىم قىلدى.
«الدىن الا مالىمەتتەر بويىنشا, 2 قاڭتاردا Instagram جەلىسىندە كامەلەتكە تولماعان ا. مەن ۆ. اراسىندا جانجال تۋىنداپ, ناتيجەسىندە كامەلەتكە تولماعان ۆ. ا.-نى كەلەسى كۇنى «الماز» دۇكەنىنىڭ ماڭىنا كەزدەسۋگە شاقىرعان», دەلىنگەن اقتوبە وبلىسىنىڭ پروكۋراتۋراسى تاراتقان حابارلامادا.
تۇندەگى توپتىق توبەلەس كەزىندە كامەلەتكە تولماعان ا. مەن س. پىشاقتالعان. ولار اۋرۋحاناعا جەتكىزىلسە دە العان جاراقاتتارىنان ەسىن جيماي كوز جۇمدى.
ءىس بويىنشا پروتسەسسۋالدىق پروكۋرور تاعايىندالدى. تەرگەۋ بارىسى وبلىس پروكۋرورىنىڭ جەكە باقىلاۋىنا الىناتىنى ايتىلدى.