جاڭا جىل كەشىندە تالدىقورعانداعى مەيرامحانالاردىڭ بىرىندە جاپپاي توبەلەس بولدى. پوليتسەيلەر توبەلەس شىعارعاندارعا بۇزاقىلىق بابى بويىنشا قىلمىستىق ءىس قوزعادى. تەرگەۋ بارىسى ەرەكشە باقىلاۋعا الىندى, دەپ جازادى Egemen.kz.
«وقيعا ورنىنا كەلگەن پوليتسەيلەر قاقتىعىسقا قاتىسۋشىلاردى قالالىق اكىمشىلىككە جەتكىزدى. وقيعا قر قك 293-بابىنىڭ 2-بولىگىندە كوزدەلگەن فاكتى بويىنشا سوتقا دەيىنگى تەرگەپ-تەكسەرۋ جۇمىسىن باستاپ, سوتقا دەيىنگى تەرگەۋلەردىڭ بىرىڭعاي تىزىلىمىندە قر قىلمىستىق كودەكسى (ادامدار توبىندا جاسالعان بۇزاقىلىق) دەپ تىركەلدى», دەلىنگەن ايماقتىق پد حابارلاماسىندا.
مەيرامحانا اكىمشىلىگى پوليتسياعا رەسمي مالىمدەمە جاساپ حابارلاستى. توبەلەسكە قاتىسقان ءۇش ازامات قر قىلمىستىق ءىس جۇرگىزۋ كودەكسىنىڭ 128-بابىنا ساي ۇستالىپ, ۋاقىتشا ۇستاۋ يزولياتورىنا قامالدى.
«قىلمىستىق ءىس ەرەكشە باقىلاۋعا الىندى. تەرگەۋ بارىسىندا ىسكە قاتىسۋشى ءار تۇلعانىڭ ارەكەتىنە ءتيىستى باعا بەرىلىپ, قولدانىستاعى زاڭناماعا ساي پروتسەسسۋالدىق شەشىم قابىلدانادى», دەدى وبلىستىق پوليتسيا دەپارتامەنتىنىڭ باسشىسى ارمان سادانوۆ.