جوعارى وقۋ ورنى – ءسىزدىڭ بولاشاق ماماندىعىڭىزعا اپاراتىن جول. قازاق حالقى ۇرپاق تاربيەسىن قاشاندا ۇلتتىڭ تاعدىرى, ۇلتتىڭ بولاشاعى دەپ بىلگەن. جوعارى ءبىلىم ءوز قابىلەتتەرىن جۇزەگە اسىرۋعا كومەكتەسەتىن ماماندىق تۋرالى اقپارات پەن پراكتيكالىق ءبىلىمدى ۇسىنادى.
جوعارى ءبىلىم – بۇل كاسىپتىك نەمەسە ورتا ءبىلىمنىڭ جوعارى دەڭگەيى. كوپتەگەن ەلدەردە جوعارى ءبىلىم ومىردە ماعىنالى نارسەگە قول جەتكىزگىسى كەلەتىندەر ءۇشىن مىندەتتى بولىپ تابىلادى. د.سەرىكباەۆ اتىنداعى شقتۋ - بۇل وڭىردەگى ەكونوميكانىڭ قارىشتاپ دامۋى جانە وعان دەگەن ينجەنەرلى-تەحنيكالىق مامانداردىڭ قاجەتتىلىگىن تولتىرۋدى, ناعىز مامان يەسى بولۋدى قامتاماسىز ەتەتىن بىرەگەي وقۋ ورىنى.
ۋنيۆەرسيتەتتىڭ جوعارى بەدەلى مەن ساپالى ءبىلىم بەرۋ باعدارلامالارى ۋنيۆەرسيتەتتى شەتەلدىك ستۋدەنتتەر ءۇشىن تارتىمدى ەتتى. جوو-دا الەمنىڭ 8 ەلىنىڭ ستۋدەنتتەرى وقيدى. شقتۋ گەرمانيا, پولشا, ۆەنگريا جانە رەسەي ۋنيۆەرسيتەتتەرىمەن ەكى ديپلومدىق باعدارلاما بويىنشا ءبىلىم بەرۋدى قامتاماسىز ەتەدى. ءبىلىم بەرۋ باعدارلامالارى حالىقارالىق اككرەديتتەۋدەن ءوتىپ, ۋنيۆەرسيتەت ديپلومى شەتەلدە تانىلدى. شقتۋ QS الەمدىك رەيتينگىندە ءتورت جۇلدىزعا يە بولدى. ۋنيۆەرسيتەت Green Metric الەمدىك رەيتينگىندە تۇراقتى كوشباسشى بولىپ تابىلادى جانە The Impact رەيتينگىندە جوعارى باعالانادى.
شقتۋ نەمىس جوعارى وقۋ ورىندارىمەن اليانستا قازاقستان-نەمىس عىلىم جانە تەحنولوگيالار ينستيتۋتىن قۇردى.
كاسىپورىندار مەن سەرىكتەستەر بىرلەسىپ, ۋنيۆەرسيتەت CDIO حالىقارالىق ستاندارتتارى نەگىزىندە ينجەنەرلىك كادرلاردى تاجىريبەگە باعدارلانعان دايارلاۋدى جۇزەگە اسىرادى (شقتۋ – بۇل باستاماعا قابىلدانعان ورتالىق ازياداعى ءبىرىنشى جوعارى وقۋ ورنى). سونداي-اق, قازىر جوعارى وقۋ ورنىنىڭ قىزمەتكەرلەرى مەن عالىمدارىنىڭ كومانداسىندا حالىقارالىق ستاندارتتارعا نەگىزدەلەتىن رەسپۋبليكالىق اۋقىمداعى «تەحنيكالىق ءبىلىم بەرۋدىڭ ۇلتتىق مودەلى» اتتى ۇلكەن جوبا ازىرلەنىپ جاتىر.
قازاقستان پرەزيدەنتى – قاسىم-جومارت توقاەۆتىڭ تاپسىرماسى بويىنشا شقتۋ بازاسىندا تاۋ-كەن مەتاللۋرگيا سالاسى ءۇشىن وسىنداي ورتالىق قۇرىلادى. سونداي-اق, ۋنيۆەرسيتەت بازاسىندا ەلىمىزدىڭ جوعارى وقۋ ورىندارىنا كەيىننەن ترانسلياتسيالاۋ ءۇشىن «تسيفرلىق ۋنيۆەرسيتەت مودەلى» ىسكە اسىرىلىپ جاتىر. شقتۋ بازاسىندا «ەنەرگەتيكا» باعىتى بويىنشا وسكەمەن جەو فيليالىن اشتى. وعان «جىلۋ ەنەرگەتيكاسى» جانە «ەلەكتر ەنەرگەتيكاسى» ءبىلىم بەرۋ باعدارلامالارى بويىنشا ءتورت وقۋ اۋديتورياسى كىرەدى, سونداي-اق جەو-دا وقۋ پوليگونى, سىزبالارى, كورنەكى قۇرالدارى, تەحنيكالىق جانە كاسىبي ادەبيەتتەرى بار كىتاپحانا بار.
سونىمەن قاتار ءبىزدىڭ جوو-دا جەلتوقسان ايىندا مەملەكەت باسشىسىنىڭ تاپسىرماسى بويىنشا لۋ بان شەبەرحاناسى اشىلدى. بۇعان دەيىن قازاقستان رەسپۋبليكاسىنىڭ پرەزيدەنتى قاسىم-جومارت توقاەۆتىڭ «ورتالىق ازيا – قىتاي» ءسامميتى اياسىندا قىتاي حالىق رەسپۋبليكاسىنا جاساعان ساپارى بارىسىندا مەملەكەتتىك دەڭگەيدە شقو اكىمدىگى مەن قحر تيانتسزين قالاسىنىڭ حالىق ۇكىمەتى اراسىندا «لۋ بان شەبەرحاناسىن» قۇرۋ تۋرالى كەلىسىمگە قول قويىلدى, سونداي-اق د.سەرىكباەۆ اتىنداعى شىعىس قازاقستان تەحنيكالىق ۋنيۆەرسيتەتى جانە تيانتسزين كاسىبي ينستيتۋتى اراسىندا وسى شەبەرحانانى قۇرۋ تۋرالى كەلىسىمگە قول قويىلدى.
جوبا قازاقستان مەن قحر اراسىنداعى قولدانبالى تەحنولوگيالار جانە جوعارى تەحنيكالىق ءبىلىم بەرۋ سالاسىنداعى ىنتىماقتاستىقتى ودان ءارى نىعايتۋدى, سونداي-اق ء«بىر بەلدەۋ - ءبىر جول» باستاماسىن قولداۋدى كوزدەيدى.
شقتۋ – بۇل داستۇرلەر مەن يننوۆاتسيالاردىڭ تاندەمى, ينتەگراتسيالانعان ءبىلىم, عىلىم جانە يندۋستريا ارقىلى جوعارى تەحنولوگيالىق بولاشاق.