سەۋلدەگى قازاقستان ەلشىلىگىنىڭ قىزمەتكەرى ورتەنىپ جاتقان كولىكتى ءسوندىرىپ, الاپات ءورتتىڭ الدىن الدى, دەپ جازادى Egemen.kz.
24.kz سايتىنىڭ مالىمەتىنشە, رۋسلان قايرامباەۆتىڭ كورەياعا كەلگەنىنە ءبىر ايدان اسقان. ەلشىلىك قىزمەتكەرى سول كۇنى دەمالىستا ەدى. بىراق شۇعىل شارۋا شىعىپ, ەلشىلىككە اسىعادى. سول-اق ەكەن, جانىپ جاتقان كولىكتى بايقايدى. رۋسلان قايرامباەۆ ويلانباستان ءورتتى سوندىرۋگە ۇمتىلادى. شۇعىل ارەكەتتىڭ ارقاسىندا قىزىل جالىندى اۋىزدىقتايدى.
تۇراقتان ورتەنىپ جاتقان كولىكتىڭ شىعىپ كەلە جاتقانىن كوردىك. الدىمەن ءبىرىنشى حاتشى بايتىلەۋوۆ باۋىرجان كوردى. مەن ءورت سوندىرگىشتى الىپ شىعىپ, ءورتتى سوندىرۋگە كىرىستىم, - دەيدى قازاقستاننىڭ كورەياداعى ەلشىلىگىنىڭ قىزمەتكەرى رۋسلان قايرامباەۆ.
ءورت سەۋلدەگى عيماراتتاردىڭ بىرىندە بولعان. جۇرگىزۋشى جەڭىل كولىگىمەن جەراستى تۇراعىنان شىققان كەزدە قىزىل جالىن بۇرق ەتەدى.
رۋسلاننىڭ ەرلىگىن جەرگىلىكتى بۇقارالىق اقپارات قۇرالدارى جارىسا جازدى. يونسان مولتەك اۋدانىنىڭ اكىمدىگى العىس حاتپەن ماراپاتتادى.