الماتى وبلىسىنىڭ توتەنشە جاعدايلار دەپارتامەنتى بەينەكونفەرەنتس بايلانىس جۇيەسىنىڭ ءبىر داناسىن 50 ميلليون تەڭگەگە ساتىپ الماق بولعان,دەپ حابارلايدى Egemen.kz اقپارات اگەنتتىگى.
قۇرىلعىنىڭ ورتاشا قۇنى شامامەن 4,1 ميلليون تەڭگەنى قۇرايدى.
سىبايلاس جەمقورلىققا قارسى ءىس-قيمىل اگەنتتىگىنىڭ الماتى وبلىسى بويىنشا دەپارتامەنتى تاراتقان مالىمەت بويىنشا بيىل 1,2 ملرد تەڭگەدەن استام بيۋدجەت قاراجاتىنىڭ ءتيىمسىز جۇمسالۋىنىڭ الدىن الدى.
سىبايلاس جەمقورلىققا قارسى ءىس-قيمىل اگەنتتىگىنىڭ الماتى وبلىسى بويىنشا دەپارتامەنتى باسشىسىنىڭ ءبىرىنشى ورىنباسارى ايدوس مامىتتىڭ ايتۋىنشا, دەپارتامەنتپەن مەملەكەتتىك ورگاندار مەن ۇيىمداردىڭ ساتىپ الۋلارىنا جۇيەلى تۇردە مونيتورينگ جۇرگىزىلەدى.
بۇل باعىتتاعى نەگىزگى قۇرال - «ساتىپ الۋدىڭ بىرىڭعاي تەرەزەسى» جۇيەسى. جوسپارلانعان تاۋارلاردىڭ باعالارى ورتاشا نارىقتىق باعالارمەن سالىستىرىلادى. سايكەسىنشە, باعانى كوتەرىپ جىبەرگەن جاعادايدا, سىبايلاس جەمقورلىققا قارسى قىزمەت تاراپىنان ۇسىنىستار ەنگىزىلەدى.
تەك وسى جىلدىڭ وبلىس بويىنشا 1,2 ملرد قاراجاتتىڭ ءتيىمسىز پايدالانۋىنىڭ الدى الىندى. ماسەلەن, الماتى وبلىسىنىڭ توتەنشە جاعدايلار دەپارتامەنتى بەينەكونفەرەنتسبايلانىس جۇيەسىن ءبىر دانا ءۇشىن 50 ميلليون تەڭگەگە ساتىپ الۋدى جوسپارلاعان, ال بۇل ءونىمنىڭ ورتاشا قۇنى شامامەن 4,1 ميلليون تەڭگەنى قۇرايدى. ناتيجەسىندە ساتىپ الۋ توقتاتىلدى. سونىمەن قاتار, ءبىرىنشى ورىنباسارى اكىمشىلىك تاجىريبە تۋرالى حاباردار ەتتى. دەپارتامەنتپەن سىبايلاس جەمقورلىق قۇقىق بۇزۋشىلىقتار ءۇشىن اكىمشىلىك جاۋاپكەرشىلىككە 23 ادام تارتىلدى, -دەدى ايدوس مامىت.
سالىنعان ايىپپۇلدىڭ جالپى سوماسى 4 968 000 تەڭگەنى قۇراپ, ول تولىعىمەن وتەلدى.