تانىمال ەسترادا ءانشىسى تامارا اسار جارىنىڭ باباسىنان قالعان ەكى ءجۇز جىلدىق تاريحى بار قازانى جايىندا اڭگىمەلەدى, دەپ حابارلايدى Egemen.kz.
"ۇيقىم كەلمەيدى" باعدارلاماسىنا قوناق بولعان ونەر يەسى كەلىن بولىپ تۇسكەن سوڭ, جولداسىنىڭ اتا-اناسىنان قالعان دۇنيەلەردى وزىنە الدىرعانىن جەتكىزدى.
- تۇرمىسقا شىققاننان كەيىن, كۇيەۋمىنەن "اتا-باباڭنان نە قالدى؟" دەپ سۇرادىم. ول "اكەمنىڭ اتى جازىلعان كىلەم, بالعا, بالتا, پىشاق جانە انامنان قارا قازان قالدى, ول قارىنداسىمنىڭ ۇيىندە" دەدى. سونىڭ ءبارىن الدىرتتىم. "سەن اۋلەتتىڭ ۇلكەنىسىڭ" دەپ قازاندى دا الدىرتىپ, تازالادىم. كۇندەلىكتى ومىردە تاماق ىستەۋگە قولدانامىن. سودان كەيىن جولداسىم تاعى دا 1829 جىلى قۇيىلعان ۇلكەن قازان بار ەكەنىن ايتتى. ونى دا الدىرتىپ, ەڭ العاش وعان ناۋرىز كوجە استىق, - دەدى ءانشى.
تامارا اسار بۇل جادىگەرگە 5-6 جىلدان سوڭ سول ەكى ءجۇز جىل تولاتىنىن دا اتاپ ءوتتى.
- اندا-ساندا سىرتقا كەتكەندە "قازانىم ورنىندا تۇر ما؟" دەپ سۇراپ قويامىن, - دەدى ول.