ەل مەكتەپتەرىندە 29 جەلتوقسان كۇنى ءىى توقسان اياقتالادى. وسىعان وراي وقۋ-اعارتۋ مينيسترلىگى وقۋشىلاردىڭ قىسقى دەمالىستا قانشا كۇن دەمالاتىنىن ايتتى, دەپ جازادى Egemen.kz.
وقۋشىلار ءۇشىن قىسقى دەمالىس 2023 جىلدىڭ 29 جەلتوقسانىنان 2024 جىلدىڭ 7 قاڭتارىن قوسا العاندا 10 كۇنگە سوزىلادى.
قازاقستان رەسپۋبليكاسى وقۋ-اعارتۋ مينيسترلىگى مەكتەپ وقۋشىلارىنىڭ قىسقى دەمالىسىن جانە بوس ۋاقىتىن ءتيىمدى, ءارى تۇلعالىق دامىتۋ ماقساتىندا مەكتەپىشىلىك قىسقى كانيكۋل ءىس-شارالارىنىڭ جوسپارىن ازىرلەۋ بارىسىندا ء«بىرتۇتاس تاربيە باعدارلاماسىن» نەگىزگە الۋدى ۇسىنادى.«مەكتەپىشىلىك ءىس-شارا جوسپارىنا:عىلىمي جوبا جۇمىستارى مازمۇنى تۋرالى اقپاراتتىق-تانىمدىق ساباقتار ۇيىمداستىرۋدا جوعارى سىنىپ وقۋشىلارى مەن اتا-انالار بىرلەسە جوو-نىڭ وقىتۋشىلارىمەن كەزدەسۋ, عىلىمي جوبا تۋرالى سۇحبات جۇرگىزۋ;«بالالار كىتاپحاناسى» جوباسى اياسىندا «ۇنەمى وقيتىن ادام – تابىستى ادام» تاقىرىبىندا وقىرماندارمەن كەزدەسۋ, وقىعان كىتاپتارى تۋرالى تالقىلاۋ;«ۇلتتىق مەكتەپ ليگاسى» جوباسى نەگىزىندە ءبىلىم الۋشىلاردىڭ دەنساۋلىعى مەن ءال-اۋقاتىن نىعايتۋدا ءبىلىم ۇيىمدارىمەن بىرلەسە «ۇلتتىق ويىن – ۇلت قازىناسى» سپورتتىق ويىندار وتكىزۋ;«وقۋعا قۇشتار مەكتەپ» جوباسىن ىسكە اسىرۋ ماقساتىندا «مەن وقىعان ءبىر ەرتەگى», «پاراساتتىلىق تۋرالى» تاقىرىپتارىندا ءبىلىم الۋشىلارمەن اڭگىمەلەسۋ;«اتا-انالار مەكتەبى» جوباسىن ورىنداۋدا «قىز نامىسى – ۇلت نامىسى», «اكەڭنىڭ تورىنە سەنبە, ەتكەن ەڭبەگىنە سەن», «وتباسىلىق تالانتتار» تاقىرىپتارىندا اتا-انالار جينالىستارىن وتكىزۋ;قۇقىقتىق ساۋاتتىلىق پەن قۇقىقتىق مادەنيەتتى قالىپتاستىرۋ بويىنشا ءىس-شارالار ۇيىمداستىرۋ ۇسىنىلادى.اتاپ وتەيىك, اتالعان ءىس-شارالار ءبىلىم بەرۋ ۇيىمدارىنا ادىستەمەلىك ۇسىنىم رەتىندە جىبەرىلەدى», دەلىنگەن مينيسترلىك تاراتقان حابارلامادا.