باسەكەلەستىكتى قورعاۋ جانە دامىتۋ اگەنتتىگى ياندەكس تاكسيگە قاتىستى تەرگەۋدى اياقتادى. تەرگەۋ قورىتىندىسى بويىنشا كومپانيا باقىلاۋ-كاسسالىق ماشينالاردىڭ باعدارلامالىق قامتاماسىز ەتۋىن تەحنيكالىق قولداۋ قىزمەتتەرىن جۇكتەۋدە كورسەتىلگەن تاكسوپاركتەردىڭ ەكونوميكالىق قىزمەتىن ۇيلەستىرگەنى ۇشىن اكىمشىلىك جاۋاپكەرشىلىككە تارتىلدى, دەپ حابارلايدى Egemen.kz ۆەدومستۆونىڭ ءباسپاسوز قىزمەتىنە سىلتەمە جاساپ.
ياندەكس تاكسي مونوپولياعا قارسى ورگانعا اقپارات بەرمەگەنى ءۇشىن اكىمشىلىك جاۋاپكەرشىلىككە تارتىلدى. كومپانيا قازاقستاننىڭ تسيفرلىق ەكوجۇيەسىن قولداۋ قورىنا ءوز ەركىمەن 3 ملرد تەڭگە اۋداردى.
سونداي-اق اگەنتتىك پەن ياندەكس تاكسي مونوپولياعا قارسى كومپلاەنس جاسادى. سول نەگىزدە مىناداي شارالار كەشەنىن ىسكە اسىرۋ كوزدەلگەن:
- بىرىنشىدەن, جۇرگىزۋشىلەر ۇشىن ەڭبەكاقىنى ارتتىرۋ شارتىنىڭ ءبىرى رەتىندە, ەگەر تاپسىرىس جول ءجۇرۋ اقىسىنىڭ بازالىق قۇنىنان ەكى ەسە اساتىن بولسا, وسى جىلدىڭ 14 جەلتوقسانىنان باستاپ, ياندەكس كوميسسياسىن ءوندىرىپ الۋدى توقتاتاتىن بولدى; (ەكونوميكالىق اسەرى جىلىنا شامامەن 2 ملرد تەڭگەگە);
- جۇرگىزۋشىلەر ۇشىن قوسىمشا بونۋستىق باعدارلاما ەنگىزۋ (2024 جىلى سالا اينالىمى مەن ينفلياتسيانىڭ وسۋىنە بايلانىستى 7-10 ملرد تەڭگە);
-ء تاريفتى قالىپتاستىرۋدىڭ اشىقتىعىن ارتتىرۋ ماقساتىندا تاريفتى نە ءۇشىن كوتەرگەنى جانە قانداي وزگەرىس بولعانى تۋرالى نەگىزدەمە كەلتىرە وتىرا, پايدالانۋشى قوسىمشاسىن جاقسارتۋ.
- ەكىنشىدەن, جولاۋشىلار ۇشىن جاڭارتىلعان «بىرگە» ءتاريفى ەنگىزىلەدى, ول ءتىپتى ەڭ جوعارى سۇرانىس بولىپ تۇرعاننىڭ وزىندە, تومەن باعامەن تاكسيگە تاپسىرىس بەرۋگە مۇمكىندىك بەرەدى (تاريفتى ح2-گە دەيىن كوتەرۋگە شەكتەۋلەر);
- اگرەگاتور تاكسي قىزمەتتەرىنە ەڭ جوعارى سۇرانىس جاعدايىندا, مىسالى, اۋا رايىنىڭ قولايسىزدىعىندا نەمەسە مەرەكە كۇندەرى ح3-تەن جوعارى تاريفتى كوتەرۋگە شەكتەۋلەر ەنگىزەدى, توقسانىنا اتالعان دەڭگەيدەن جوعارى ساپارلاردىڭ سانى 5% - دان اسپايتىن بولادى;
- بالامەن جۇرەتىن جولاۋشىلار ءۇشىن «بالالار» تاريفى ەنگىزىلەدى, ول بالالار كرەسلولارى نەمەسە بۋستەرى بار اۆتوكولىكتى شاقىرۋعا مۇمكىندىك بەرەدى.
تاكسي جۇرگىزۋشىلەرىمەن ءتيىمدى قارىم-قاتىناس جاساۋ جانە كليەنتتەرمەن بايلانىستى قولداۋ ءۇشىن Call-ورتالىقتا «كادىمگى» وپەراتور جۇمىس ىستەيتىن بولادى.
سونىمەن قاتار جولاۋشىلار مەن جۇرگىزۋشىلەردىڭ مۇددەلەرىنىڭ تەپە-تەڭدىگىن قامتاماسىز ەتەتىن كەلەسى جۇيەلى شارالار قابىلداندى:
- اگەنتتىك زاڭناماعا تۇزەتۋلەر ەنگىزۋگە باستاماشىلىق جاسادى, ولاردى ەنگىزۋ جۇرگىزۋشىلەرگە ياندەكس-پەن تاكسوپاركسىز تىكەلەي جۇمىس ىستەۋگە مۇمكىندىك بەرەدى (تاكسوپاركتەر كوميسسياسى 4-8% قۇرايدى);
- ياندەكس باعدارلامالىق قامتاماسىز ەتۋدى, سونداي-اق باعا بەلگىلەۋگە اسەر ەتەتىن فاكتورلاردى (اۋا رايى جاعدايلارى, مەرەكە كۇندەرى, سۇرانىستىڭ ارتۋى, جۇرگىزۋشىلەردىڭ بولماۋى جانە ت.ب.) ەگجەي-تەگجەيلى زەردەلەۋ ءۇشىن IT سالاسىنداعى تاۋەلسىز اۋديتورلىق كومپانيا اگەنتتىكپەن, تسيفرلىق دامۋ جانە اەروعارىش ونەركاسىبى مينيسترلىگىمەن بىرلەسىپ الگوريتمدىك باعا بەلگىلەۋ ءاۋديتىن جۇرگىزەدى.
ياندەكس مىندەتتەمەلەرىنىڭ مونوپولياعا قارسى كومپلاەنس شەڭبەرىندە ورىندالۋى اگەنتتىك جانىنداعى ارنايى مونيتورينگتىك توپتىڭ باقىلاۋىندا بولادى. ونىڭ قۇرامىنا كاسىبي قوعامداستىقتاردىڭ ساراپشىلارى (باستاماشىل توپتاردىڭ, كولىك, ەڭبەك جانە حالىقتى الەۋمەتتىك قورعاۋ, ادىلەت, تسيفرلىق دامۋ جانە يننوۆاتسيالار مينيسترلىكتەرىنىڭ, سونداي-اق تاكسوپاركتەر قاۋىمداستىعىنىڭ وكىلدەرى) كىرەدى. بۇل تۋىندايتىن سىن-قاتەرلەردى ۋاقتىلى قاراۋعا مۇمكىندىك بەرەدى.
سونىمەن قاتار بولاشاقتا باسەكەلەستىكتى قورعاۋ سالاسىنداعى زاڭنامانى بۇزۋ فاكتىلەرى انىقتالعان كەزدە اگەنتتىك زاڭنامادا بەلگىلەنگەن ءتيىستى شارالاردى قولدانادى. كومپلاەنسپەن تولىعىراق مىنا جەردەن تانىسۋعا بولادى.