بۇگىن ەلوردادا مەملەكەت باسشىسى قاسىم-جومارت توقاەۆ «پارىز» سىيلىعىنىڭ گران-ءپريى مەن «التىن ساپا» سىيلىعىنىڭ جۇلدەگەرلەرىن ماراپاتتادى, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.
شاعىن جانە ورتا بيزنەس كاسىپورىندارى اراسىندا «پارىز» سىيلىعىنىڭ گران-پري قىزىلوردا وبلىسىنداعى «اباي داۋلەت» جشس-نا بەرىلدى.
ال ءىرى بيزنەس سالاسىندا بۇل جۇلدە باقىرشىق تاۋ-كەن ءوندىرۋ كاسىپورنىنا تابىستالدى.
سونىمەن قاتار «التىن ساپا» سىيىلىعىنىڭ «ۇزدىك يندۋستريالىق جوبا» نوميناتسياسى بويىنشا قوستاناي وبلىسىنىڭ «دەپ» جاۋاپكەرشىلىگى شەكتەۋلى سەرىكتەستىگى, «ۇزدىك يننوۆاتسيالىق جوبا» اتالىمىندا ماڭعىستاۋ وبلىسىنداعى «CleanfieldKazakhstan» جاۋاپكەرشىلىگى شەكتەۋلى سەرىكتەستىگى ماراپاتتالدى.