ماجارستان استاناسى بۋداپەشت قالاسىندا حوككەيدەن جاستار اراسىندا (U20) ءوتىپ جاتقان الەم چەمپيوناتىندا جەرلەستەرىمىز ەكىنشى ويىندا دا جەڭىسكە جەتتى, دەپ حابارلايدى Egemen.kz.
ءى ديۆيزيوننىڭ ا توبىندا سىنعا تۇسكەن حوككەيشىلەر دانيا جاستار قۇراماسىن 3:2 ەسەبىمەن ۇتتى. مىنە وسى تارتىس الدىنداعى ەكى ەلدىڭ ءانۇرانى ورىندالاتىن ساتتە قازاقستاننىڭ مەملەكەتتىك گيمنىن ۇيىمداستىرۋشىلار قوسا الماي ىڭعايسىزدىق ورناعان. جانكۇيەرلەردىڭ «وزدەرىڭ شىرقاڭدار» دەگەن نۇسقاۋىنان كەيىن مۇز ايدىنىندا ساپتاي تىزىلگەن جاستارىمىز قولىن كەۋدەسىنە قويىپ ءانۇراندى ەشقانداي سۇيەمەلدەۋسىز ورىنداپ شىقتى. جاس حوككەيشىلەردىڭ تىعىرىقتان جول تابا بىلگەن ارەكەتىنە جانكۇيەرلەر العىسىن جاۋدىردى.