دزيۋدودان ازيا چەمپيونى ايگەرىم ابىلقادىروۆا ء«بىرىنشى بول» YouTube ارناسىنا سۇحبات بەرىپ, ءوزىنىڭ سپورت سالاسىندا ءوزىن «ساتىپ العىسى كەلگەندەردىڭ» دە بار ەكەنىن ايتتى, دەپ حابارلايدى Egemen.kz.
دزيۋدو, گرەپپلينگ كۇرەس تۇرلەرىمەن كاسىبي تۇردە شۇعىلداناتىن سپورتشىعا باپكەرلەرى ينستاگرامداعى پاراقشاسىن جابۋدى ۇسىنىپتى. «ساعان اي سايىن 500 مىڭ تەڭگەدەن تولەپ وتىرامىز, پاراقشاڭدى جاپساڭ» دەگەن تالاپ قويدى. باپكەر كۇرەستە قالاي «جانىپ كەتپەۋدى», ءادىستى وڭتايلى قولدانۋدى, قارسىلاستىڭ قۇرىعىنان سىتىلىپ شىعۋدى ۇيرەتۋى كەرەك. ولار ءوزىنىڭ قىزمەتىن اتقارمايدى, كەرىسىنشە, ساعان كەلىپ «پاراقشاڭا انا ۆيدەونى سالما, مىنا پوستتى جاريا ەتپە» دەپ سۇزگىدەن وتكىزىپ, جەتەككە العىسى كەلەدى», دەدى سپورتشى. ول ءوزىنىڭ 936 مىڭ وقىرمانى بار پاراقشاسىن جاپپايتىنىن, كەرىسىنشە دامىتا تۇسەتىنىن ايتتى.