قازاقستاننىڭ اۋە تاسىمالى نارىعىن نىعايتۋ ماقساتىندا كولىك مينيسترلىگى باسەكەلەستىكتى قورعاۋ جانە دامىتۋ اگەنتتىگىمەن تىزە قوسىپ «اشىق اسپان» رەجيمىن جەتىلدىرۋدى قولعا الدى, دەپ حابارلايدى Egemen.kz ازاماتتىق اۆياتسيا كوميتەتىنىڭ اقپاراتىنا سۇيەنىپ.
بۇدان بىلاي شەتەلدىڭ ءىرى اۋە كومپانيالارىنىڭ ۇشاقتارى قازاقستاننىڭ بىرنەشە اۋەجايىنا شەكتەۋسىز ايالدايتىن بولادى. ء ارى اۋە كەمەلەرىنىڭ تيپتەرى مەن قونۋ جيىلىگىنە قاراماستان ءار باعىت بويىنشا شەكتەۋسىز بەسىنشى دارەجەلى «اۋە ەركىندىگىمەن» ۇشۋىنا مۇمكىندىك الادى. بۇل قادام اۋە تاسىمالىنداعى باسەكەلەستىك ارتىپ, بيلەت قۇنىن ارزانداتىپ قانا قويماي, ۇشۋ گەوگرافياسىنىڭ كەڭەيۋىنە سەپتىگى تيمەك. «اشىق اسپان» رەجيمى استانا, الماتى, شىمكەنت, اقتاۋ, اقتوبە, قاراعاندى, تۇركىستان, وسكەمەن, پاۆلودار, كوكشەتاۋ, تاراز, پەتروپاۆل, سەمەي قالاسىنىڭ اۋەجايىندا جۇزەگە اسىرىلادى.