ۇكىمەت وتىرىسىنان كەيىنگى بريفينگتە كولىك ءمينيسترى مارات قاراباەۆ استانادا سالىنىپ جاتقان LRT قۇرىلىسىنىڭ جۇمىس بارىسى تۋرالى ايتتى, دەپ جازادى Egemen.kz.
اياقسىز قالعان LRT قۇرىلىسىن جانداندىرۋعا بيىل بيۋدجەتتەن 52 ملرد تەڭگە بولىنگەن. مينيستر بۇل قارجىنىڭ قايدا جۇمسالعانىن ايتىپ بەردى.
«ول سوما ءبولىنىپ, ىرگەتاس قازىقتارىن قاعۋعا باعىتتالدى. جۇمىس 96 پايىز ورىندالدى. ال تىرەۋ ورناتۋ جۇمىستارى 76 پايىز اياقتالدى. قۇرىلىمدارىن ءبىر-بىرىنە جالعاۋ جۇمىستارى, بىلۋىمشە, 82 پايىز جاسالدى. بۇل – بيىل اياقتالعان جۇمىستار», دەدى مارات قاراباەۆ.
سونداي-اق ول جۇمىس قارقىنىن ەسەلەۋ ءۇشىن قوسىمشا قارجى قاجەت بولاتىنىن مالىمدەدى.
«كەلەسى جىلى قۇرىلىس-مونتاج جۇمىستارىن اياقتاۋ ءۇشىن شامامەن 45 ملرد تەڭگە كەرەك بولادى. قازىر قۇرىلىس الاڭىندا 1,5 مىڭعا جۋىق جۇمىسشى ەڭبەك ەتىپ جاتىر. ەگەر جۇمىس اۋقىمى كەڭەيسە, وندا قوسىمشا 150 ملرد تەڭگەگە دەيىن قاراجات سۇرايمىز. الايدا نىساندى اياقتاۋ جوسپارى 2025 جىلعا كوزدەلگەن. العاشقىدا 8 ستانتسيا مەن 5 پويىز جۇمىسىن باستايدى», دەدى مينيستر.