پرەزيدەنت سايلاۋى وتكەنىنە دە ءبىر جىل تولىپتى. وسى ءبىر جىلدىڭ ىشىندە كوپتەگەن اۋقىمدى جۇمىستاردىڭ اتقارىلعانى بەلگىلى. پەرزيدەنتتىڭ سايلاۋالدى باعدارلامارىندا ايتىلعان بىرقاتار ماسەلە ناقتى شەشىمىن تاپتى. ساياسي رەفورمالار جالعاستى. ءماجىلىس, سەنات, ءماسليحات جانە اۋدان, قالا اكىمدەرىنىڭ سايلاۋى ءوتىپ, پارلامەنت قۇرامى جاڭاردى.
«ەكونوميكانى مونوپولياسىزداندىرۋ بويىنشا جۇيەلى جۇمىستار جۇرگىزىلدى. زاڭسىز ساتىپ الىنعان جانە شەتەلگە شىعارىلعان اكتيۆتەردى ەلگە قايتارۋ باستاماسى بويىنشا 1 ترلن تەڭگە سوماسىندا قارجى قايتارىلدى. «ۇلتتىق قور – بالالارعا», «قۋاتتى وڭىرلەر - ەلدى دامىتۋدىڭ درايۆەرى» جوبالارى قابىلداندى. اۋىلدىق اۋماقتاردى دامىتۋ تۇجىرىمداماسى اياسىندا مەملەكەت مەنشىگىنە 8 ملن.گا پايدالانىلماعان جەر قايتىرىلدى. ۇلتتىق قۇرىلتايدا ەل دامۋىنىڭ يدەولوگيالىق باعىتتارى ايقىندالدى.
قانشاما حالىقارالىق ءىس-شارالار ءوتىپ, جەمىستى كەلىسسوزدەر جۇرگىزىلدى. مۇنىڭ ءبارى قازىرگىدەي اۋمالى-توكپەلى گەوساياسي احۋالدا ايتۋعا عانا وڭاي اۋقىمدى جۇمىستار. سوندىقتان جەمىستى جىلدىڭ جەڭىستى جولعا اينالا بەرۋىن تىلەيمىز», دەدى د.قىدىرالى.