ينۆەستيتسيالىق تابىستىڭ يگىلىگىن كورەدى

ۇلتتىق بانكتىڭ سەنىمگەرلىك باسقا­رۋىنداعى بجزق ينۆەستيتسيالىق پورت­فەلىنىڭ جالپى كولەمىندەگى مەم­لەكەتتىك باعالى قاعازداردىڭ (مبق) ۇلەسى ءبىر جىلدا 61,10 پايىزدان 64,98 پايىزعا (ونىڭ ىشىندە قر مبق – 47,18 پا­يىز), سىرتقى باسقارۋداعى اكتيۆ­تەردىڭ ۇلەسى 9,8 پايىزدان 12,71 پايىز­عا دەيىن ءوستى. قازاقستان رەسپۋبليكاسى جانە شەتەلدىك ەميتەنتتەردىڭ كورپو­را­تيۆتىك وبليگاتسيالارىنىڭ ۇلەسى كەرىسىنشە 19,08 پايىزدان 15,56 پايىز­عا دەيىن, دەپوزيتتەر ۇلەسى 7,36 پايىزدان 4,12 پايىزعا دەيىن تومەندەدى.

سونىمەن قاتار پورتفەلدى ءارتا­راپتاندىرۋ ۆاليۋتامەن دە جۇزەگە اسى­­­رى­لادى. 2023 جىلعى قىركۇيەكتىڭ اياعىن­دا قارجى قۇرالدارىنىڭ ينۆەس­تي­تسيا­لىق پورتفەلى ۆاليۋتا ۇلەسى مىناداي:

ۇلتتىق ۆاليۋتا – 68,17 پايىز ء(بىر جىل بۇرىن – 70,17 پايىز); اقش دوللارى – 31,8 پايىز ء(بىر جىل بۇرىن – 29,75 پايىز); باسقا ۆاليۋتالار – 0,03 پايىز ء(بىر جىل بۇرىن – 0,08 پايىز).

«پورتفەلدەگى مەرزىمدى وزگە­رىس­تەر­گە نەگىزدەلگەن مۇنداي ينۆەس­تي­تسيالىق ستراتەگيا وڭ ناتيجە­لە­رگە اكەلەدى. بيىل توعىز ايدا ين­ۆەس­­­تيتسيالىق بەلسەندىلىك ناتي­جە­سىن­دە, سونداي-اق ۆاليۋتا باعامى­نىڭ تۇراق­سىزدىعىنا جانە قارجى قۇرال­دارىنىڭ نارىقتىق قۇنىنىڭ وزگە­رۋىنە بايلانىستى تازا ينۆەستي­تسيا­لىق تابىس كولەمى 1,4 ترلن تەڭگەگە جەتتى. بۇل بىلتىرعى سايكەس كەزەڭمەن سالىس­تىرعاندا 91,1 پايىزعا ارتىق», دەيدى Ranking ساراپشىلارى.

بجزق زەينەتاقى اكتيۆتەرى بويىن­شا ينۆەستيتسيالىق قىزمەتتىڭ مۇنداي وڭ ناتيجەلەرى بۇرىن-سوڭدى بولما­عان گەوساياسي شيەلەنىس, تۋربۋلەنتتىك ەكو­نوميكالىق جاعداي جانە اقشا-نەسيە ساياساتىنىڭ قاتاڭداۋى كەزەڭىندە بولعانىن اتاپ وتكەن ءجون دەيدى ساراپشى­لار. سونىمەن قاتار قازاقستاننىڭ بۇل ماسەلەدەگى ۇستانىمى باسقا ەلدەرمەن سالىستىرعاندا قولايلى جانە اسەرلى.

«مىسالى, نورۆەگيانىڭ مەملەكەت­تىك زەينەتاقى قورى (GPFG), الەمدەگى ەڭ ءىرى تاۋەلسىز ءال-اۋقات قورى 34 ملرد دوللار كولەمىندە ۇلكەن شىعىنعا ۇشىرادى. جالپى, Thinking Ahead Institute (TAI WTW) 22 زەينەتاقى نارى­عىن قامتيتىن زەرتتەۋى (P22) 2022 جىلدىڭ سوڭىندا زەرتتەلگەن ەلدەر­دىڭ زەينەتاقى اكتيۆتەرىنىڭ جال­پى كولەمى ءبىر جىل ىشىندە 15,4 پايىز, ياعني 47,9 ترلن دوللارعا دەيىن تومەن­دەگەنىن كورسەتتى. بىردەن 22 ەلدىڭ ىشىندە دامىعان جانە دامۋشى 17 ەل شىعىنعا ۇشىرادى», دەيدى Ranking.

تابىستىلىق دەڭگەيىنە كەلەتىن بولساق, جاعداي مىناداي: 2023 جىلدىڭ ەكىنشى توقسانىنىڭ سوڭىندا زەينەتاقى اكتيۆتەرىنىڭ كىرىستىلىگى اقش-تا – 4,1 پا­يىز, كانادادا – 1,3 پايىز, ەۋرو­ايماقتا – 1,2 پايىز, شۆەيتساريادا – 1,7 پا­يىز, ۇلىبريتانيادا – بىردەن مينۋس 6,3 پايىز. وسىلايشا, بجزق زەينەتاقى اكتيۆتەرى بويىنشا ينۆەستي­تسيالىق قىزمەت ناتيجەلەرى وڭ دەپ سەنىم­مەن ايتا الامىز: جاھان­دىق جاع­دايعا قاراماستان, ەل ازامات­تارىنىڭ زەينەتاقى اكتيۆتەرىن ساقتاپ قانا قوي­ماي, كوبەيتىپ جاتىر.