استانادا كوكتايعاق پەن قاتتى جەلدىڭ سالدارىنان مەكتەپتەردەگى ساباق قىسقارتىلدى, دەپ حابارلايدى Egemen.kz ءبىلىم باسقارماسىنىڭ ءباسپاسوز قىزمەتىنە سىلتەمە جاساپ.
«اۋا رايى جاعدايىن ەسكەرە وتىرىپ, ەكىنشى اۋىسىمداعى ساباق ۋاقىتىن 35 مينۋتقا دەيىن قىسقارتۋ تۋرالى شەشىم قابىلداندى. ساباق سوڭىندا وقۋشىلاردى مەكتەپتەن اتا-انالارى نەمەسە زاڭدى وكىلدەرى الىپ كەتكەنى دۇرىس», دەلىنگەن حابارلامادا.
ۆەدومستۆونىڭ حابارلاۋىنشا, قولدانىستاعى ەرەجەلەرگە سايكەس جاڭبىر مەن كوكتايعاق ساباقتاردى توقتاتۋعا نەگىز بولا المايدى.
«سونداي-اق ءاربىر اتا-انا سىنىپ جەتەكشىسىنە الدىن الا حابارلاي وتىرىپ, بالانى مەكتەپكە جىبەرمەۋىنە بولادى», دەپ اتاپ ءوتتى دەپارتامەنتتەگىلەر.