1 جەلتوقساننان باستاپ ەلىمىزدە تاعى ءبىر جول اقىلى بولادى. كولىك مينيسترلىگى ءتيىستى بۇيرىققا قول قويدى, دەپ جازادى Egemen.kz.
«ورال قالاسىنان رف شەكاراسىنا دەيىنگى (ساراتوۆ قالاسىنا) رەسپۋبليكالىق ماڭىزى بار جالپىعا ورتاق پايدالانىلاتىن اۆتوموبيل جولىن (ۋچاسكەسىن) اقىلى نەگىزدە پايدالانۋ تۋرالى» بۇيرىققا قول قويىلدى.
ەندى II ساناتتاعى رەسپۋبليكالىق ماڭىزى بار جالپىعا ورتاق پايدالانىلاتىن اۆتوموبيل جولىنىڭ ورال – رەسەي فەدەراتسياسىنىڭ شەكاراسى (ساراتوۆقا دەيىن) ۋچاسكەسى اقىلى نەگىزدە پايدالانىلادى.
اقىلى جولدىڭ باستاپقى نۇكتەسى – 4 كم, ال اياقتالۋ نۇكتەسى – 102+90 كم. اۆتوموبيل جولىنداعى جولاقتىڭ ەنى 3,75 مەتردى قۇرايدى. اقىلى جولدىڭ ۇزىندىعى 98,9 كم.