ەكونوميكالىق ساياساتتاعى قازىرگى ءۇردىس – ىشكى جالپى وسىمدە شاعىن جانە ورتا بيزنەستىڭ ۇلەسىن ارتتىرۋ. دۇنيەجۇزىلىك بانكتىڭ مالىمدەۋىنشە, الەمدىك بيزنەستىڭ 90%-ىن شاعىن جانە ورتا بيزنەس وكىلدەرى قۇرايدى. قازاقستاندا بۇل سالا ءالى دە دامىپ, قالىپتاسۋ ۇستىندە.
ماسەلەن, شاعىن جانە ورتا كاسىپكەرلىك سەكتورى قازىر ءبىزدىڭ ەلدەگى جالپى ىشكى ءونىمنىڭ 36,5 پايىزىن, ال كورشىلەس وزبەكستاندا 50 پايىزدان استامىن قۇراپ وتىر.
دەگەنمەن ەلىمىزدە شاعىن جانە ورتا بيزنەستى قارجىلاندىرۋعا مۇمكىندىك مول. بۇل رەتتە كەز كەلگەن قارجى ينستيتۋتى ءۇشىن كليەنتتىڭ تاڭداۋى مەن تالعامى ماڭىزدى. بۇرىن بيزنەستى قارجىلاندىرۋ ەكىنشى دەڭگەيلى بانكتەر مەن كۆازيمەملەكەتتىك سەكتورداعى قارجى ينستيتۋتتارىنىڭ ەنشىسىندە بولسا, بۇگىندە ولاردىڭ قاتارى شاعىن قارجى ۇيىمدارىمەن تولىقتى.
ساراپشىلار بىرەر جىلدان بەرى شاعىن قارجى ۇيىمدارىنىڭ مۇمكىندىگىنە نازار اۋدارا باستادى. سەبەبى ولاردىڭ باعىتىن اۋىل بيزنەسىنە بۇرعان ۇتىمدى. ويتكەنى ەكىنشى دەڭگەيلى بانكتەردىڭ اياعى جەتپەي جاتقان جەرگە شاعىن قارجى ۇيىمدارى قول سوزىپ جاتىر.
تاۋەلسىز قارجى ساراپشىسى ماقسات حالىقتىڭ ايتۋىنشا, قازىرگى كەزدە ءبىزدىڭ ەلدە بيزنەس اشقىسى كەلەتىن ازاماتتارعا مۇمكىندىك مول. بۇل ءۇشىن قۇزىرلى ورىنداردا تىركەلىپ, بيزنەسىن زاڭدى جۇرگىزسە بولدى. ءتىپتى جەكە كاسىپكەرلىكتى تىركەۋ اۆتوماتتاندىرىلعان. ءتۇرلى ەسىكتى قاعىپ, تابالدىرىق توزدىرىپ, ەسىل ۋاقىتتى قور قىلىپ جۇرەتىن كەز وتكەننىڭ ەنشىسىندە قالدى. زاڭدى تىركەۋدەن ءوتىپ, زاڭناما اياسىندا جۇمىس ىستەگەن بيزنەس سۋبەكتىلەرىنە قارجى ينستيتۋتتارىنىڭ ەسىگى اشىق.
وسى ورايدا ءبىز بۇدان 5-6 جىل بۇرىن KMF ميكروقارجى ۇيىمىنان نەسيە الىپ, بيزنەسىن دوڭگەلەتىپ وتىرعان تەڭگەگۇل وڭعارباەۆانى سوزگە تارتتىق. ونىڭ الاڭى 45 شارشى مەتردى قۇرايتىن بۇرىنعى شاعىن دۇكەنى قازىر 450 شارشى مەترلىك ساۋدا ۇيىنە اينالىپتى.
ت.وڭعارباەۆا بىزبەن اڭگىمەسىندە ءوز بيزنەسىنىڭ تاريحى 1990 جىلداردان باستالعانىن ايتتى. ول كەڭەس وداعى كۇيرەپ, نارىققا بەتالىس سەزىلە باستاعان كەزدە ساۋداعا بەت بۇرۋعا شەشىم قابىلداعان. ءبىراز جىل قارا بازاردا ساۋدا جاسادى. سودان جەرگىلىكتى جەردە جەكە كاسىپكەر رەتىندە تىركەلىپ, ازىق-ت ۇلىك دۇكەنىن اشۋعا شەشىم قابىلدادى. «العاشقى بىرەر جىلدا بانكتەردەن نەسيە الدىم, كەيىن قۇربىلارىمنان كمF تۋرالى ەستىپ, ونىڭ ءوزىم تۇرعان جەردەگى فيليالىنا باردىم. شارتتارى, قىزمەتكەرلەرىنىڭ كليەنتتەرمەن قارىم-قاتىناسى كوڭىلدەن شىقتى. باستى شارتى – ونداعى قىزمەتكەرلەر تەك بيزنەسىڭدى قارجىلاندىرۋمەن شەكتەلىپ قالمايدى ەكەن. ءتۇرلى دەڭگەيدەگى بيزنەس-ترەنينگتەرگە قاتىسقاننان كەيىن «كمF-دوستار» دەپ اتالاتىن توپتىق قارجىلاندىرۋعا قول جەتكىزدىم. ءبىر كەزدەگى 45 شارشى مەترلىك ساۋدا نۇكتەسى قازىر 450 شارشى مەترلىك ساۋدا ۇيىنە اينالدى, بىرنەشە بولمەنى جالعا بەرەمىن. مۇنىڭ بارىنە زاڭنان اتتاماي, كاسىبىمدى زاڭدى جۇرگىزۋدىڭ ناتيجەسىندە قولىم جەتتى, زاڭدى بيزنەسكە, راسىندا دا, مۇمكىندىك زور ەكەن», دەيدى ت.وڭعارباەۆا.
ىسكەر حانىم بيزنەستىڭ تابيعاتى تاۋەكەلدى قۇپ كورەتىنىن دە ايتىپ قالدى. ال تاۋەكەلگە شەشىم قابىلداۋ ءۇشىن وتباسىلىق بيزنەس بولسا دا, زاڭدى تۇردە تىركەلۋ كەرەك.
ميكروقارجىلىق قىزمەتتى جۇزەگە اسىرۋ قۇقىعىن بەرەتىن قنردا 26.02.2021 جىلعى №02.21.0003.M ليتسەنزياسى