كابىل ەكسپورتىنىڭ العاشقى لەگى

عىلىم مەن ءوندىرىستىڭ ىلگەرى­­­لەپ جاتقانىن ايعاقتايتىن بۇل ­باس­­­تا­ما ل.ن.گۋميلەۆ اتىنداعى ەۇۋ عا­لىم­­­دارىنا تيەسىلى. تالاپشىل عا­­لىمدار ەل نارىعىنداعى تۇڭ­عىش رادي­اتسيالىق تىگىلگەن وق­شاۋ­لاعىشى بار كابىلدىك-وت­كىزگىش ءونى­مىنىڭ جاڭا ءتۇرىن وندى­رۋشىلەرمەن بىر­لەسىپ جاساپ شى­عاردى. ءونىمنىڭ جوبالىق قۋاتى 15 مىڭ شاقىرىمعا دە­يىن بارادى. ەۇۋ جانىنداعى «يادرو­لىق تەحنولوگيالار پاركى» اكتسيو­نەرلىك قوعامى عالىمدارى فوتو­ەلەكتر جۇ­يەلەرىنە ارنالعان كابىل­دەردى ازىرلەۋ تەحنولوگياسىن جاساۋ­دا ۇلكەن زەرتتەۋ جۇمىستارىن جۇر­گىزگەن. ونىڭ پايدالانۋ قاسيەت­تەرىن, ىستىققا توزىمدىلىگىن جاق­سارت­قان. بۇل يننوۆاتسيالىق ءونىم بالامالى ەنەرگيا كوزدەرى سالاسىندا قولدانىلادى.

– ءبىز بۇرىن-سوڭدى قازاقستان­دا كابىل ونىمدەرىن وندىرۋدە قولدا­نىل­­ماعان رادياتسيالىق تىگۋ تەحنولو­گياسىن قولدانامىز. توتىعۋ دەگراداتسياسىنا جول بەرمەۋ ءۇشىن وڭدەۋ ينەرتتى ورتادا جۇرگىزىلەدى. بۇل ءوندىرىس ءادىسى ءبىزدىڭ ەلدە قول­دانىلمايدى. ءبىز ەلۆ-4 ەلەكتروندى ۇدەتكىشىندە قورعانىش ورتادا كابىل ونىمدەرىنىڭ پوليمەرلى وقشاۋلاۋىن موديفيكاتسيالاۋ جوباسىن «قازەلەكتروماشپەن» بىرلەسە جۇزەگە اسىرىپ جاتىرمىز. قىسقا تۇيىقتالۋ كەزىندەگى تەرميالىق تۇراقتىلىقتىڭ جوعارى توگى, تومەن زاقىمدانۋ جانە تو­مەن گيگروسكوپيالىق, كابىلدىك بۇيىم­داردىڭ ۇلكەن قۇرىلىس ۇزىن­دىعى مەن تومەن سالماعى, جۇمىس رەجىمىندەگى وقشاۋلاۋدىڭ رۇ­ق­سات ەتىلگەن تەمپەراتۋراسىنىڭ جوعا­رىلاۋىنا بايلانىستى جۇكتەمە قابىلەتىنىڭ جوعارىلاۋى – بۇل ءبىزدىڭ ءونىمنىڭ ايرىقشا ەرەكشەلىكتەرىنىڭ ءبىر پاراسى عانا, – دەدى «يادرولىق تەحنولوگيالار پاركى» جوبالاۋ توبىنىڭ باسشىسى, «Beta izol» ديرەكتورى ازات نۇرقاسىموۆ.

ايتا كەتەيىك, فوتوەلەكتر جۇ­يە­لەرىنە ارنالعان كابىلدى ەۇۋ جانىن­داعى «يادرولىق تەحنولوگيالار پاركى» مەن «قازەلەكتروماش» بىرگە قۇرعان «Beta izol» ستارتاپ-كومپانياسى شىعارادى. قازىرگى كەزەڭدە كورشى ەلدەردە وتاندىق وسى ءونىمدى ساتىپ الۋعا دەگەن ۇلكەن سۇرانىس بار.