مادەنيەت جانە اقپارات مينيسترلىگى تاعايىنداعان «Umai-2023» سىيلىعىنا ءوتىنىم قابىلداۋ 5 جەلتوقساندا اياقتالادى, دەپ حابارلايدى Egemen.kz مادەنيەت جانە اقپارات مينيسترلىگىنە سىلتەمە جاساپ.
«Umai» ۇلتتىق سىيلىعى كاسىبي شىعارماشىلىق ۇجىمدار مەن جەكەلەگەن ونەر قايراتكەرلەرىنىڭ ەلەۋلى جەتىستىكتەرىن قولداۋ ماقساتىندا ۇيىمداستىرىلادى.«Umai» ۇلتتىق سىيلىعى – ەلىمىزدىڭ ونەر سالاسىنداعى ەڭ مارتەبەلى ءارى بەدەلدى سىيلىقتاردىڭ ءبىرى. جىل سايىن جاڭا ءبىرتۋار قايراتكەرلەردىڭ ەسىمدەرىن انىقتاپ, وتاندىق مادەنيەتتىڭ دامۋىنا جانە ىلگەرىلەۋىنە ىقپال ەتەدى.«بيىل سىيلىقتار مەن جۇلدە قورى ەداۋىر ۇلعايدى. وتىنىمدەر ءتورت نوميناتسيا بويىنشا قابىلدانادى. ولاردىڭ قاتارىندا: «تەاتر ونەرى»; «حورەوگرافيالىق ونەر; «مۋزىكالىق-ورىنداۋشىلىق ونەر»; «بەينەلەۋ جانە ساندىك-قولدانبالى ونەر». وتىنىمدەردى قابىلداۋ 5 جەلتوقساندا اياقتالادى», دەلىنگەن مينيسترلىك حابارلاماسىندا.
ەسكە سالايىق, «Umai» ۇلتتىق سىيلىعىن كاسىبي شىعارماشىلىق ۇجىمدار مەن جەكەلەگەن ونەر قايراتكەرلەرىنە تابىستاۋ 2022 جىلدان باستاپ تاعايىندالدى.