قازاقستان تەننيسشىسى بەيبىت جۇقاەۆ (اتر رەيتينگىندە 247-ورىن) شارلوتتسۆيللدە (اقش) وتكەن «چەللەندجەر» ءتۋرنيرىنىڭ جەڭىمپازى اتاندى, دەپ حابارلايدى Egemen.kz Sports.kz سايتىنا سىلتەمە جاساپ.
فينالدا جۇقاەۆ امەريكا وكىلى ايدەن مەيومەن (376-ورىن) كەزدەسىپ, ونى ەكى سەتتە – 6:3, 6:4 ەسەبىمەن جەڭدى. وسىلايشا قازاقستان سپورتشىسى چەمپيون اتاعىن جەڭىپ الىپ, 10 840 دوللار تابىس تاپتى. سونداي-اق ول 75 رەيتينگتىك ۇپايعا يە بولدى.
بۇعان دەيىن تۋرنيردە بەيبىت جۇقاەۆ امەريكالىق تاي-سون كۆياتكوۆسكيدى (354-ورىن) – 4:6, 7:6, 7:6, يسپانيالىق ينياكي مونتەس دە لا توررەنى (517-ورىن) – 6:4, 7:6 ەسەبىمەن ۇتقان بولاتىن, سونىمەن قاتار حورۆاتتىق نينو سەردارۋسيچتى (284-ورىن) – 6:3, 6:4 جانە تاعى ءبىر اقش وكىلى پاتريك كيپسوندى (274-ورىن) – 6:4, 7:6 ەسەبىمەن جەڭگەن ەدى.