استاناداعى تاۋەلسىزدىك داڭعىلىنىڭ بويىنداعى جاڭا كوپىر قۇرىلىسى اياقتالىپ, پايدالانۋعا بەرىلدى. اۋەلدە اشىلۋى 30 قازانعا بەلگىلەنگەن كوپىر, ءبىر كۇن ەرتە – 29 قازاندا ەل يگىلىگىنە ۇسىنىلدى.
كوپىردىڭ ءار تاراپىندا ءتورت جولاق بار. بۇيىرىندە جاياۋ جۇرگىنشىلەرگە ارنالعان جولاقتار مەن ۆەلوجول سالىنعان. كوگالداندىرۋ جۇمىسى كوكتەمدە اياقتالادى دەپ جوسپارلانىپ وتىر.
استانا قالالىق اكىمدىگىنىڭ حابارلاۋىنشا, كوپىردىڭ پايدالانۋعا بەرىلۋى قالا كوشەلەرىندەگى كەپتەلىس كولەمىن ءبىرشاما ازايتادى. ماڭگىلىك ەل داڭعىلى – 20 پايىزعا, سارايشىق كوشەسى مەن ۇلى دالا كوپىرى كەپتەلەك جۇگىن 15 پايىزعا جەڭىلدەتپەك. سونداي-اق كەرەي-جانىبەك حاندار, ءال-فارابي كوشەلەرى جانە ۇلى دالا داڭعىلى بويىنشا ترافيك جاندانادى.
جاڭا كوپىر الماتى مەن ەسىل اۋداندارى اراسىنداعى قوسىمشا بايلانىستى دا قامتاماسىز ەتەدى. كوپىردىڭ سالىنۋى ناتيجەسىندە سول جاعالاۋدىڭ تاۋەلسىزدىك داڭعىلىمەن, جاڭا تەمىرجول ۆوكزالىمەن, قوشقارباەۆ داڭعىلىمەن, ناجىمەدەنوۆ كوشەسىمەن, ازىرەت سۇلتان مەشىتىمەن, بايتۇرسىن ۇلى, قورداي, ايناكول كوشەلەرىمەن, مومىش ۇلى داڭعىلىمەن بايلانىسى كۇشەيىپ, جول قوزعالىسى جەدەل ءارى ساپالى بولا تۇسپەك.