پرەزيدەنت قاسىم-جومارت توقاەۆتىڭ اتىنا رەسپۋبليكا كۇنىنە وراي شەت مەملەكەتتەر مەن حالىقارالىق ۇيىمدار باسشىلارىنان قۇتتىقتاۋ جەدەلحاتتارى ءالى دە كەلىپ ءتۇسىپ جاتىر, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.
ء«تىل, تاريح جانە مادەنيەت سياقتى ورتاق قۇندىلىقتارىمىزعا نەگىزدەلگەن قارىم-قاتىناسىمىز ستراتەگيالىق سەرىكتەستىك رۋحىندا قارقىندى دامىپ كەلەدى. ەكى ەلدىڭ ىنتىماقتاستىعى جاڭا سالالارمەن تولىعا تۇسكەنى قۋانتادى. ءبىزدىڭ بىرلەسكەن كۇش-جىگەرىمىزدىڭ ناتيجەسىندە تۇركيا مەن قازاقستان اراسىنداعى بايلانىستار ودان ءارى نىعايا بەرەتىنىنە سەنىمدىمىن. سىزبەن استانا قالاسىندا وتەتىن تۇركى مەملەكەتتەرى ۇيىمىنىڭ ح سامميتىندە كەزدەسەتىنىمە قۋانىشتىمىن», دەدى تۇركيا پرەزيدەنتى رەجەپ تايپ ەردوعان.
سلوۆاكيا پرەزيدەنتى زۋزانا چاپۋتوۆا مەملەكەت باسشىسىنا تۇراقتى, ادىلەتتى جانە باقۋاتتى قازاقستاندى دامىتۋعا باعىتتالعان رەفورمالاردى ىسكە اسىرۋدا تابىس تىلەدى. سونداي-اق ول حالىقارالىق قۇقىق قاعيداتتارىن قۇرمەتتەۋگە نەگىزدەلگەن ءوزارا ىنتىماقتاستىقتىڭ ناتيجەسىندە ەلدەرىمىز قازىرگى زاماننىڭ سىن-قاتەرلەرىن بىرگە ەڭسەرەتىنىنە سەنىم ءبىلدىردى.
سەربيا پرەزيدەنتى الەكساندر ۆۋچيچ ءوزىنىڭ جەدەلحاتىندا ەكى ەل اراسىنداعى ءوزارا قۇرمەت پەن تۇسىنىستىككە قۇرالعان ءداستۇرلى دوستىق قاتىناستاردىڭ نىعايىپ كەلە جاتقانىن اتاپ ءوتتى. الەكساندر ۆۋچيچ سەربيا جانە قازاقستاننىڭ مۇددەسى مەن يگىلىگى جولىنداعى ءوزارا ىقپالداستىق الداعى ۋاقىتتا دا كەڭەيەدى دەپ سەنەتىنىن جازعان.
ق.توقاەۆتىڭ اتىنا رەسپۋبليكا كۇنىمەن قۇتتىقتاۋ جەدەلحاتىن ليتۆا پرەزيدەنتى گيتاناس ناۋسەدا, تمد پارلامەنتارالىق اسسامبلەياسى كەڭەسىنىڭ باس حاتشىسى دميتري كوبيتسكي, اوسشك باس حاتشىسى قايرات سارىباي, ۇقشۇ باس حاتشىسى يمانعالي تاسماعامبەتوۆ, باسقا دا تۇلعالار جولدادى.