گازا سەكتورىندا اتىس سالدارىنان قازاقستان ازاماتى قازا تاپتى, دەپ حابارلايدى Egemen.kz سىرتقى ىستەر مينيسترلىگىنىڭ ءباسپاسوز قىزمەتىنە سىلتەمە جاساپ.
«2023 جىلعى 22 قازاندا گازا سەكتورىن اتقىلاۋ سالدارىنان قازاقستان ازاماتى قازا بولدى. وكىنىشكە قاراي, ونىمەن بىرگە پالەستينا ازاماتى بولعان, ونىڭ 23 جاستاعى قىزى دا قايتىس بولدى», دەلىنگەن حابارلامادا.
وتانداسىمىز گازا سەكتورىندا پالەستينا ازاماتىمەن بىرگە ۇزاق ۋاقىت بويى نەكەدە تۇرعان.
ايتا كەتەيىك, يزرايلدە شامامەن 400-دەن استام قازاقستان ازاماتى تۇرادى, ولاردىڭ 118-ءى وتانىنا قايتقىسى كەلگەن. قازىر گازا سەكتورىندا قازاقستان رەسپۋبليكاسىنىڭ ازاماتتارى بار 25 وتباسى تۇرادى.