پرەزيدەنت اكىمشىلىگى جانە قالالىق ءماسليحات دەپۋتاتتارىنىڭ كەلىسىمى بويىنشا بۇل قىزمەتكە تالعات راحمانبەردى تاعايىندالدى, دەپ حابارلايدى Egemen.kz قالا اكىمدىگىنىڭ ءباسپاسوز قىزمەتىنە سىلتەمە جاساپ.
ول ەڭبەك جولىن 2004 جىلى «جامبىل وبلىسىنىڭ ستۋدەنتتەر مەن جاستار وداعى» جاستار قوعامدىق بىرلەستىگىنەن باستاعان (تاراز ق.). ءار جىلدارى «استانا قالاسىنىڭ ستۋدەنتتىك قۇرىلىس جانە جاستار ەڭبەك جاساقتارىنىڭ شتابى» قوعامدىق بىرلەستىگىن باسقاردى, قر باس پروكۋراتۋرا ينستيتۋتىنىڭ (استانا ق.) قىلمىستىق پروتسەستىڭ جانە جەدەل-ىزدەستىرۋ قىزمەتىنىڭ زاڭدىلىعىن قاداعالاۋ بويىنشا بىلىكتىلىكتى ارتتىرۋ بولىمىندە اعا پروكۋرور, «استانا قالاسىنىڭ جاستار ساياساتى ماسەلەلەرى باسقارماسى» مم باسشىسى قىزمەتتەرىن اتقاردى.
2016 جىلدىڭ ساۋىرىنەن 2019 جىلعى ناۋرىزعا دەيىن استانا قالاسى سارىارقا اۋدانى اكىمىنىڭ ورىنباسارى, 2019 جىلعى ساۋىردەن باستاپ «استانا قالاسى اكىمىنىڭ اپپاراتى» مم باسشىسىنىڭ ورىنباسارى بولىپ جۇمىس ىستەدى.
سوڭعى جىلدارى «استانا قالاسىنىڭ قوعامدىق دامۋ باسقارماسى» مم, «استانا قالاسىنىڭ ىشكى ساياسات باسقارماسى» مم باسشىسى, قالا اكىمىنىڭ كەڭەسشىسى بولىپ جۇمىس ىستەدى.