قازاقستان پرەزيدەنتى قاسىم-جومارت توقاەۆتىڭ تاپسىرماسىنا سايكەس جەر سىلكىنىسىنەن زارداپ شەككەن اۋعانستانعا گۋمانيتارلىق كومەك كورسەتىلەدى. ول ءۇشىن مەملەكەتتىك ماتەريالدىق رەزەرۆتەن ازىق-ت ۇلىك, شاتىرلار, كيىم-كەشەك, توسەك-ورىن جابدىقتارى ءبولىندى, دەپ حابارلايدى Egemen.kz.
توتەنشە جاعدايلار مينيسترلىگىنىڭ مالىمەتىنشە, جونەلتىلەتىن گۋمانيتارلىق جۇكتىڭ تىزبەسىندە بارلىعى 1659 توننا كولەمىندە 13 ءتۇرلى تاۋار بار.
سونداي-اق «سك فارماتسيا» جشس اۋعانستانعا جونەلتۋ ءۇشىن ءدارى-دارمەكتەر ءبولدى. ءدارى-دارمەكتەر مەن شاتىرلار ۇلتتىق ۇلان ۇشاعىمەن جىبەرىلدى. جۇك بۇگىن جەتۋى كەرەك. قالعان گۋمانيتارلىق كومەكتى جەتكىزۋ تەمىرجول كولىگىمەن جۇزەگە اسىرىلادى.
ءبىر كۇن بۇرىن گەرات پروۆينتسياسىنا ىزدەۋ-قۇتقارۋ جۇمىستارىن جۇرگىزۋ ءۇشىن تجم-ءنىڭ 45 قىزمەتكەرى جىبەرىلدى.