ۇكىمەت اۋىلشارۋاشىلىعى تاۋارىن وندىرۋشىلەردى قالاي قولدايدى؟

كوميسسيانىڭ وتىرىسىندا اۋىل شارۋاشىلىعى ءمينيسترى ايداربەك ساپاروۆ ەگىن جيناۋ ناۋقانى كەزىندە نەگىزگى استىقتى وڭىرلەردە تولاسسىز جاۋعان جاۋىن-شاشىن استىقتىڭ ونىمدىلىگى مەن ساپاسىنا اسەر ەتكەنىن ايتتى. مۇنىڭ زاردابىن الدىمەن ديقاندار تارتادى.  ويتكەنى كەلىسىمشارت بويىنشا ساتىلاتىن ء ونىمدى  جيناۋعا  جاڭبىرلى كۇز ايتارلىقتاي كەدەرگىسىن كەلتىردى.   

«مەملەكەت باسشىسىنىڭ بيىلعى اۋا رايى قولايسىزدىعىنان زارداپ شەككەن اۋىل شارۋاشىلىعى تاۋارىن وندىرۋشىلەرگە قاجەتتى قولداۋ كورسەتۋ جونىندەگى تاپسىرماسىن ورىنداۋ اياسىندا مىناداي شارالاردى قابىلداۋ ۇسىنىلدى. اتاپ ايتقاندا فورۆاردتىق ساتىپ الۋ اياسىندا «ازىق-ت ۇلىك كورپوراتسياسىنىڭ» ساتىپ الۋ باعاسىن 3 كلاستى بيداي ءۇشىن 120 مىڭ تەڭگە جانە 4 كلاستى بيداي ءۇشىن 105 مىڭ تەڭگە مولشەرىندە بەلگىلەۋ; فورۆاردتىق ساتىپ الۋ جانە تاۋارلىق نەسيە بويىنشا فەرمەرگە مىندەتتەمەلەردى ايىپپۇل تولەمدەرىنسىز اقشالاي قاراجات ارقىلى نەمەسە 1,05% نە 5% كوەففيتسيەنت بويىنشا 3 كلاستى بيدايدى 4 كلاسقا اۋىستىرۋ ارقىلى ورىنداۋعا مۇمكىندىك بەرۋ; مىندەتتەمەلەردى ورىنداۋعا مۇمكىندىگى جوق اۋىل شارۋاشىلىعى تاۋارىن وندىرۋشىلەر ءۇشىن بانك سىياقىلارىن 3% كولەمىندە وتەي وتىرىپ, شارتتى ورىنداۋ مەرزىمىن 1 جىلعا ۇزارتۋعا مۇمكىندىك بەرۋ» ماسەلەسى قارالدى.

ا.ساپاروۆ فەرمەرلەر «ازىق-ت ۇلىك كورپوراتسياسىنىڭ» استىقتى, اسىرەسە جەمدىك بيدايدى ەگىنشىلەردەن تىكەلەي ساتىپ الۋ ماسەلەسىن كوتەرىپ وتىرعانىن جەتكىزدى. وسى ۇسىنىس جۇزەگە اسىرىلسا,  ديقانداردىڭ  تابىسى دا ەسەلەنە تۇسەتىنىن ايتتى.

كوميسسيا مۇشەلەرى جيىن بارىسىندا  350 مىڭ توننا كولەمىندە استىقتى كەلەسى باعامەن ساتىپ الۋدى جۇزەگە اسىرۋ قاجەت دەپ شەشتى. ونىڭ ىشىندە  4 كلاستى بيداي ءۇشىن – 105 مىڭ تەڭگە, 5 كلاستى بيداي ءۇشىن – 90 مىڭ تەڭگە, كلاسقا جاتپايتىن بيداي ءۇشىن – 70 مىڭ تەڭگە دەپ باعا دا بەلگىلەندى. بۇل  شارۋا ەندى تەك بيۋدجەتتەن قارجى بولىنگەن سوڭ عانا ىسكە اسىرىلادى.  وتىرىستى قورىتىندىلاعان ءا.سمايىلوۆ  مەملەكەتتىك جاۋاپتى ورگاندار اۋىلشارۋاشىلىعى  تاۋارىن وندىرۋشىلەرگە دەمەۋ بولىپ قولداۋ كورسەتۋدى شۇعىل قولعا الۋ كەرەكتىگىن تاپسىردى.