ەلوردادا الەم چەمپيوناتى باستالدى

جارىستىڭ سالتاناتتى اشى­لۋ  راسىمىندە قازاقستان رەس­پۋبليكاسىنىڭ تۋريزم جانە سپورت ۆيتسە-ءمينيسترىنىڭ مىن­دەتىن اتقارۋشى سار­سەن قۇ­رانبەك, استانا قالاسى­نىڭ  دەنە شىنىقتىرۋ جانە سپورت باسقارماسى ديرەك­تو­رى­نىڭ ورىنباسارى ەركە­عالي  كوربوزوۆ, ۇلتتىق پارا­ليم­پيادا كوميتەتىنىڭ ۆيتسە-پرەزيدەنتى باحىت ساپاروۆ, قازاقستان پاراحوككەي فەدەرا­تسياسىنىڭ پرەزيدەنتى بولات بۋشانوۆ سىندى مىرزالار قا­تىسىپ, سپورتشىلارعا ساتتى­لىك  تىلەدى.

«پاراحوككەيدەن ۇلتتىق قۇراما 2022 جىلى تايلاندتا وتكەن «س-Pool» الەم چەمپيو­ناتىندا ەكىنشى ورىن الىپ, «B-Pool» جارىستارىنا جولداما الدى. مىنە, ەندى, «B-Pool» الەم چەمپيوناتى ەلوردامىزدا وتەدى. بۇل حالىقارالىق سپورت قاۋىمداستىعىنىڭ ەلىمىزگە ارت­قان سەنىمى دەپ بىلەمىز. وسى جارىستى لايىقتى دەڭگەيدە وتكىزۋگە باستى سەرىكتەستەرىمىز Sport Qory, «سامۇرىق-قازى­نا» اق, تۋريزم جانە سپورت مي­نيسترلىگىنىڭ سپورت جانە دەنە شى­نىقتىرۋ ىستەرى كوميتەتى, ۇلتتىق پاراليمپيادا كومي­تەتى, استانا قالالىق سپورت جانە دەنە شىنىقتىرۋ باسقارماسى ۇلكەن كومەك كورسەتۋدە. بىرىگىپ الەم چەمپيوناتىن جوعارى دەڭگەيدە وتكىزەمىز دەپ سەنە­مىن», دەدى پاراحوككەيدەن قا­زاقستان فەدەراتسياسىنىڭ باس حاتشىسى قايرات سابيروۆ.

بايراقتى باسەكەدەگى ال­عاشقى ويىن الاڭ يەلەرى مەن سلو­ۆاكيا كوماندالارىنىڭ ارا­سىندا ءوتتى.