پرەمەر-مينيستر ءاليحان سمايىلوۆ پەن Monterra Group كومپانياسىنىڭ وكىلى يوگانن شتول جامبىل وبلىسىندا ءىرى تاۋ-كەن مەتاللۋرگيا كومبيناتىن سالۋ ماسەلەلەرىن تالقىلادى, دەپ حابارلايدى Egemen.kz ۇكىمەتتىڭ ءباسپاسوز قىزمەتىنە سىلتەمە جاساپ.
جوبانى 2026-2029 جىلدار ارالىعىندا ءۇش كەزەڭ بويىنشا ىسكە اسىرۋ جوسپارلانىپ وتىر. ەڭ جوعارى قۋاتقا جەتكەننەن كەيىن كاسىپورىن جىلىنا 5 ملن تونناعا جۋىق التىن كەنىن ءوندىرىپ, وڭدەي الادى. جوباعا 832 ملرد تەڭگەگە دەيىن تىكەلەي شەتەلدىك ينۆەستيتسيا تارتىلادى دەپ كۇتىلىپ وتىر. ناتيجەسىندە 2 مىڭعا جۋىق جاڭا جۇمىس ورنى اشىلادى.
زاماناۋي ەۋروپالىق وڭدەۋ تەحنولوگيالارى قولدانىلاتىن زاۋىت رەسپۋبليكاداعى ەڭ جوعارى تەحنولوگيالىق زاۋىتتاردىڭ بىرىنە اينالماق. جالپى العاندا, تاۋ-كەن مەتاللۋرگيا ونەركاسىبى ەل ەكونوميكاسىنىڭ كوپتەگەن سالالارىن دامىتۋعا مۋلتيپليكاتيۆتى اسەر ەتەدى.
كەزدەسۋ بارىسىندا جوبانىڭ تەحنيكالىق قۇجاتتاماسىن ازىرلەۋ, ينفراقۇرىلىم سالۋ, كەيىن جۇمىسقا ورنالاسۋىن قامتاماسىز ەتە وتىرىپ, جەرگىلىكتى تۇرعىندار اراسىنان جاس ماماندار دايارلاۋ, سونداي-اق قورشاعان تابيعي ورتانى ساقتاۋ شارالارىن جۇرگىزۋ ماسەلەلەرى تالقىلاندى.