قىتايدىڭ حانچجوۋ قالاسىن دۇبىرگە بولەگەن ءحىح جازعى ازيا ويىندارىندا قازاق ەلىنىڭ جەڭىل اتلەتى كارولين چەپكوەچ كيپكيرۋي قولا مەدال يەلەندى, دەپ حابارلايدى Egemen.kz تۋريزم جانە سپورت مينيسترلىگى سپورتتى دامىتۋ ديرەكتسياسىنىڭ ءباسپاسوز قىزمەتىنە سىلتەمە جاساپ.
جەلاياق قىزداردىڭ اراسىنداعى 5000 مەترگە جۇگىرۋ سايىسىندا پارۋل چاۋدحاري ء(ۇندىستان) جازعى ازيا ويىندارىنىڭ چەمپيونى اتاندى. كۇمىس مەدال جاپون قىزى ريريكا حيروناكاعا بۇيىردى. قولا مەدال يەگەرى كيپكيرۋي ءۇندى قىزىنان 9 سەكۋند قالىپ قويدى.
جەڭىل اتلەتيكادان ۇلتتىق قۇرامانىڭ تاعى ءبىر مۇشەسى دەيزي دجەپكەمەي جازعى ازيا ويىندارىندا 8-ورىندى مىسە تۇتتى.
كارولين وسى حانچجوۋدا ءوتىپ جاتقان جازعى ازيا ويىندارىندا 10 شاقىرىم قاشىقتىقتا دا قولا جۇلدەگەر اتانعان بولاتىن.