وزبەكستاننىڭ باس شاھارى تاشكەنتتە ءوتىپ جاتقان كينوفەستيۆالدە قازاقستاننىڭ حالىق ءارتىسى تۇڭعىشباي جامانقۇلوۆ «تۇركى دۇنيەسىنە قوسقان ەرەن ەڭبەگى ءۇشىن» جوعارى ماراپاتىن يەلەندى, دەپ جازادى Egemen.kz.
اتالعان ماراپاتتى تۇركسويدىڭ توراعاسى سۇلتان راەۆ تابىستادى.
ەسكە سالايىق, اكتەر, رەجيسسەر, تەاتر پەداگوگى, ونەرتانۋ عىلىمدارىنىڭ كانديداتى, پروفەسسور تۇڭعىشباي قادىر ۇلى جامانقۇلوۆ 1948 جىلى 2 قازاندا جامبىل وبلىسىنىڭ بايزاق اۋدانىنا قاراستى اباي اۋىلىندا تۋعان. قازاقستاننىڭ حالىق ءارتىسى (1992 ج), قازاقستان مەملەكەتتىك سىيلىعىنىڭ لاۋرەاتى (1992 ج), جامبىل وبلىسىنىڭ قۇرمەتتى ازاماتى (2006 ج), پاراسات جانە دوستىق وردەندەرىنىڭ يەگەرى.