قىتاي قالاسى حانچجوۋدا ءوتىپ جاتقان ازيا ويىندارىندا دزيۋدودان كۇمىس مەدال جەڭىپ العان ءابيبا ابۋجاقىنوۆا جۇلدەسىن قۇربىسىنا ارنايتىنىن ايتتى, دەپ حابارلايدى Egemen.kz.
قۇربىسىنىڭ سۋرەتىن تەلەفونىنان كورسەتىپ, كوزىنە جاس العان سپورتشىنىڭ ايتۋىنشا, ول قىزىلوردا تاس جولىندا كولىك اپاتىنان قايتىس بولعان.
«جۇلدەمدى كوز جۇمعان جان قۇربىما ارنايمىن. جاقىندا عانا وتكەن قىرقىنا قاتىسىپ وسىندا كەلدىم. ونىمەن ينتەرناتتا بىرگە وقىعانبىز», دەدى ءابيبا ابۋجاقىنوۆا.
ەسكە سالايىق, ازيادانىڭ العاشقى كۇنىندە دزيۋدوشى ءابيبا ابۋجاقىنوۆا 48 كەلىگە دەيىنگى سالماقتا كۇمىس مەدال جەڭىپ الدى.